AGK mbështetet me pajisje teknologjike nga dy organizata, FPU dhe ECPMF

Association of Journalists of Kosovo

PRISHTINË, 01.02.2020 – Asociacioni i Gazetarëve të Kosovës, ditë më parë ka pranuar një donacion të rëndësishëm, nga dy organizata ndërkombëtare që kanë për qëllim mbrojtjen dhe promovimin e të drejtave dhe sigurisë së gazetarëve Free Press Unlimited – FPU dhe Europian Center Press and Media Freedom – ECPMF.

Rikujtojmë se zyrat e AGK-së me 6 dhjetor të vitit 2019 ishin thyer, dhe si pasojë janë marrë sende me vlerë, të cilat kanë qenë mjete pune të organizatës, si një aparat fotografik, një televizor dhe një llaptop.

Me ndihmën e ofruar nga këto dy organizata, AGK ka arritur prapë të ketë në dispozicion një llaptop dhe aparat fotografik, për të përmbushur kështu nevojat në kuadër të aktiviteteve dhe punëve të përditshme të organizatës. Po ashtu fal këtij donacioni, është arritur që zyrat e AGK-së të kenë sigurim,  gjë e cila deri më tani ka munguar.

AGK me këtë rast falënderon FPU dhe ECPMF, që menjëherë kanë shprehur gatishmërinë për të ndihmuar organizatën tonë e cila përfaqëson interesat e mbi 400 punëtorëve medial në Kosovë.

 


Association of Journalists of Kosovo, Pristina, 01/02/2020