Sulmet aktuale ndaj gazetarëve, Mejreme Gashi, Kamenicë, 07. 11. 2019.


 

Mejreme Gashi është sulmuar fizikisht nga një person, në fshatin Karaçevë të Kamenicës, teksa ishte duke realizuar një kronikë për aktivitetet e disa kazinove në këtë vend me 7 nëntor 2019.

Pasi që janë intervistuar disa qytetarë, gazetarët kanë provuar të xhirojnë në njërën prej kazinove të fshatit, por ekipi i Klan Kosovës hasi në rezistencë nga disa njerëz që gjendeshin aty.

”Fillimisht mua dhe Rilindit na janë vërsulur duke na sulmuar verbalisht me fjalët më të rënda, na shanë, na ofenduan me fjalë banale. Pastaj njëri nga ta më goditi pas koke me dorë. E kjo nuk i mjaftoi prapë vazhdoi me sulme verbale ndaj tërë ekipit të Klan Kosovës derisa u shoqërua nga të pranishëm të tjerë duke na thënë ”Ikni nga këtu”, ”Mos na xhironi veturat”, kjo pasi aty kishte njerëz që ushtronin këtë veprimtari”. Ka deklaruar ajo për mediumin në të cilin punon.”

Rasti është paraqitur në polici dhe është njoftuar prokurori me rastin. Gjithashtu në këtë rast ishte përfshirë edhe një tjetër gazetar, Rilind Matoshi, i cili ishte pjesë e ekipit të Klan Kosovës.

Kazinotë në Kosovë janë të ndaluara me ligj që prej marsit të vitit 2019.

Shteti KO
Emri dhe mbiemri Mejreme Gashi
Gjini Femër
Data 07/11/2019
Qyteti
Lloj i incidentit Sulmet aktuale ndaj gazetarëve
Nga kush Në gazetarë nga qytetarët
Lloji i medias: Elektronike
Emri i Medias Klan Kosova
Burimi Klan Kosova
Prokurori Publik Prokurori i Shtetit është njoftuar.
A është njoftuar asociacioni i gazetarëve? Po
Cili ishte reagimi i asociacionit të gazetarëve? AGK ka reaguar publikisht pëmes një komunikate për shtyp.
A është raportuar incidenti tek policia/autoritetet ? Rasti është raportuar në polici