Kërcënime në drejtim të gazetarëve të Gazetës Express, Prishtinë, 13.10.2020


Gazetarët e Gazetës Express janë kërcënuar me vrasje mbrëmjen e së shtunës nga Naser Gashi i njohur në publik si Naser Qeli.

Sipas Gazetës Express, Gashi, të shtunën në mbrëmje ka thyer derën e redaksisë dhe i ka kërcënuar gazetarët për shkak të një shkrimi që ishte publikuar nga gazeta për ish-bashkëshorten e tij.

Asociacioni i Gazetarëve të Kosovës përmes një reagimi për medie, ka dënuar ashpër kërcënimin e gazetarëve të Gazetës Express. Hyrja me dhunë në redaksi dhe kërcënimi me vrasje në drejtim të gazetarëve për AGK-në janë veprime të pa precedent që duhet të trajtohen me seriozitet të lartë dhe ta marrin dënimin e merituar.

Shteti KO
Emri dhe mbiemri Gazeta Express
Gjini Grup (emëro anëtarët nëse është e mundur)
Data 10/10/2020
Qyteti
Lloj i incidentit Kërcënime kundër jetës dhe lëndimeve trupore të gazetarëve
Prokurori Publik Prokuroria Themelore në Prishtinë, Departamenti i Përgjithshëm, më 14.10.2020, ka ngritur aktakuzë me kërkesë për caktimin e masës së paraburgimit, ndaj personit me inicialet N.G., në drejtim të veprave penale “Kanosja”, nga neni 181 të KPRK-së dhe “Cenimi i paprekshmërisë së banesave dhe objekteve”, nga neni 197 të Kodit Penal të Republikës së Kosovës. Rasti është proceduar në Gjykatën Themelore në Prishtinë, për trajtim të mëtejmë.
Përfundimi ligjor Në vazhdim (rasti nuk është mbyllur)
A është njoftuar asociacioni i gazetarëve? Po