{"id":26528,"date":"2021-03-30T10:00:02","date_gmt":"2021-03-30T09:00:02","guid":{"rendered":"https:\/\/staging.safejournalists.net\/aplikimi-i-buxhetimit-te-pergjegjshem-gjinor-nje-obligim-ligjor-i-domosdoshem\/"},"modified":"2021-06-02T23:05:06","modified_gmt":"2021-06-02T22:05:06","slug":"aplikimi-i-buxhetimit-te-pergjegjshem-gjinor-nje-obligim-ligjor-i-domosdoshem","status":"publish","type":"post","link":"https:\/\/safejournalists.net\/ks\/aplikimi-i-buxhetimit-te-pergjegjshem-gjinor-nje-obligim-ligjor-i-domosdoshem\/","title":{"rendered":"Aplikimi i Buxhetimit t\u00eb P\u00ebrgjegjsh\u00ebm Gjinor, nj\u00eb obligim ligjor i domosdosh\u00ebm"},"content":{"rendered":"
\n
\n
\n
\n

N\u00eb raportimet p\u00ebr t\u00eb drejtat e punonj\u00ebsve dhe obligimet ligjore ndaj tyre, rrall\u00eb her\u00eb deri m\u00eb tani\u00a0kemi hasur n\u00eb p\u00ebrdorimin e\u00a0termit \u201cBuxhetimi i P\u00ebrgjegjsh\u00ebm Gjinor (BPGJ)\u201d, dhe i cili jo p\u00ebrher\u00eb\u00a0gjendet n\u00eb raportet\u00a0 e baraspeshuara.<\/p>\n

Parimisht pabarazia gjinore gjithnj\u00eb ka dominuar n\u00eb sektor\u00eb t\u00eb ndrysh\u00ebm edhe pse obligimet ligjore ndaj gjithsecilit punonj\u00ebs duhet t\u00eb jen\u00eb t\u00eb barabarta. Preokupimet e tilla n\u00eb vendin e pun\u00ebs, mosp\u00ebrfillja e BPGJ-s\u00eb \u00ebsht\u00eb barr\u00eb e r\u00ebnd\u00eb, sidomos p\u00ebr grat\u00eb. Andaj, k\u00ebto t\u00eb fundit duke qen\u00eb pjes\u00eb e veprimtarive t\u00eb ndryshme, duke u mobilizuar s\u00eb bashku dhe duke u informuar p\u00ebr zbatueshm\u00ebrin\u00eb e Buxhetimit t\u00eb P\u00ebrgjegjsh\u00ebm Gjinor, mund t\u00eb ndikojn\u00eb n\u00eb barazi gjinore e cila iu takon ligj\u00ebrisht.<\/p>\n

L\u00ebvizjet e tilla do\u00a0t\u00eb sillnin edhe p\u00ebrgjigjet e pyetjeve t\u00eb shumta si: a jan\u00eb programet leht\u00eb t\u00eb arritshme n\u00eb m\u00ebnyr\u00eb t\u00eb barabart\u00eb p\u00ebr burrat dhe p\u00ebr grat\u00eb; a i plot\u00ebsojn\u00eb ato synimet p\u00ebr t\u00eb cilat jan\u00eb dedikuar; efektet dhe ndikimi i programeve p\u00ebr burrat dhe p\u00ebr grat\u00eb, duke i marr\u00eb parasysh edhe karakteristikat e tjera si p\u00ebrkat\u00ebsia etnike, mosha, vendbanimi; cili \u00ebsht\u00eb avancimi i programeve nga aspekti i aplikimit t\u00eb perspektiv\u00ebs gjinore; cilat jan\u00eb mekanizmat n\u00ebp\u00ebrmjet t\u00eb cilave mund t\u00eb respektohet BPGJ; etj.<\/p>\n

Grat\u00eb dhe vajzat n\u00eb komuna t\u00eb ndryshme t\u00eb Kosov\u00ebs p\u00ebrballen me nj\u00eb num\u00ebr t\u00eb konsideruesh\u00ebm t\u00eb k\u00ebtyre sfidave. Edhe vet\u00eb termi \u201cBuxhetimi i P\u00ebrgjegjsh\u00ebm Gjinor\u201d, \u00ebsht\u00eb sfid\u00eb n\u00eb vete p\u00ebr grat\u00eb p\u00ebrderisa v\u00ebshtir\u00ebsit\u00eb n\u00eb adresimin e tij lidhen kryesisht me faktin e problemeve strukturore dhe p\u00ebr m\u00eb keq, mend\u00ebsia apo stereotipat e ndrysh\u00ebm\u00a0karshi grave, vazhdojn\u00eb t\u2019i penalizojn\u00eb ato.<\/p>\n

Tejkalimi i shum\u00eb paragjykimeve, t\u00eb cilat mund t\u00eb krijojn\u00eb barriera duhet t\u00eb b\u00ebhet me q\u00ebllim t\u00eb leht\u00ebsimit t\u00eb qasjes s\u00eb grave n\u00eb tregun e pun\u00ebs. Parimisht edhe pse si term i ri \u201cBuxhetimi P\u00ebrgjegjsh\u00ebm Gjinor\u201d, mund t\u00eb ndikoj\u00eb n\u00eb leht\u00ebsimin e qasjes fizike t\u00eb grave n\u00eb sektor\u00eb t\u00eb ndrysh\u00ebm duke u fokusuar n\u00eb grat\u00eb me v\u00ebshtir\u00ebsi ekonomike, atyre q\u00eb i p\u00ebrkasin komuniteteve jo-shumic\u00eb, pasi q\u00eb ato jan\u00eb pre e niveleve t\u00eb shum\u00ebfishta t\u00eb diskriminimit, duke u nisur nga gjendja socio- ekonomike, niveli i ul\u00ebt i\u00a0 arsimimit, qasja jo e duhur n\u00eb jet\u00ebn institucionale, apo n\u00eb tregun e pun\u00ebs n\u00eb p\u00ebrgjith\u00ebsi, etj.<\/p>\n

Pra, p\u00ebr t\u00eb luftuar diskriminimin e grave n\u00eb proces t\u00eb aplikimit p\u00ebr pun\u00eb dhe atyre n\u00eb vend t\u00eb pun\u00ebs, k\u00ebrkohet bashk\u00ebpunim m\u00eb i ngusht\u00eb i autoriteteve t\u00eb t\u00eb dyja niveleve, atyre lokale dhe qendrore, p\u00ebr t\u2019u siguruar q\u00eb n\u00eb\u00a0rastet p\u00ebrkat\u00ebse t\u00eb rritet angazhimi n\u00eb identifikimin dhe parandalimin e diskriminimit\u00a0 t\u00eb grave.<\/p>\n

Pra, edhe pse duke u konsideruar relativisht si nj\u00eb koncept\u00a0 i ri n\u00eb vend, pritet\u00a0 q\u00eb t\u00eb punohet shum\u00eb n\u00eb m\u00ebnyr\u00eb q\u00eb zbatueshm\u00ebria\u00a0 e BPGJ-s\u00eb, t\u00eb sjell\u00eb nj\u00eb tjet\u00ebr realitet\u00a0 pozitiv, pasi q\u00eb kjo shihet\u00a0 n\u00eb t\u00eb nj\u00ebjt\u00ebn koh\u00eb si\u00a0 nj\u00eb sfid\u00eb e shtetit\u00a0 n\u00eb sigurimin e barazis\u00eb gjinore. N\u00eb shum\u00eb shtete perspektiva gjinore\u00a0 \u00ebsht\u00eb e integruar\u00a0 n\u00eb politika publike pik\u00ebrisht si rezultat i aplikimit t\u00eb suksessh\u00ebm t\u00eb BPGJ-s\u00eb p\u00ebr shum\u00eb\u00a0vite, andaj aplikimi i nj\u00ebjt\u00eb duhet t\u00eb ndodh\u00eb edhe n\u00eb Kosov\u00eb, duke p\u00ebrpiluar politika progjinore, duke u realizuar\u00a0 veprime konkrete.<\/p>\n

Sidoqoft\u00eb, barazia gjinore do t\u00eb thot\u00eb se grat\u00eb dhe burrat g\u00ebzojn\u00eb t\u00eb drejta, p\u00ebrgjegj\u00ebsi dhe mund\u00ebsi t\u00eb plota dhe t\u00eb barabarta, pavar\u00ebsisht sektorit dhe se parimet e barazis\u00eb gjinore nuk duhet t\u00eb aplikohen vet\u00ebm n\u00eb sektorin publik, por dhe n\u00eb at\u00eb privat.<\/p>\n

Praktika e BPGJ-s\u00eb, ka shtrirje pothuajse n\u00eb t\u00eb gjitha programet q\u00eb kan\u00eb t\u00eb b\u00ebjn\u00eb me komunitetin qofshin k\u00ebto qeveritare apo jo, por q\u00eb nuk p\u00ebrjashtojn\u00eb as familjet dhe \u00ebsht\u00eb nj\u00eb term q\u00eb p\u00ebrfshin\u00eb marr\u00ebdh\u00ebniet gjinore, kontrollin mbi burimet ekonomike, integrimet gjinore dhe shum\u00eb aspekte t\u00eb tjera n\u00eb funksionim t\u00eb zhvillimit dhe konsolidimin e nj\u00eb shoq\u00ebrie.<\/p>\n

Imponimi i situatave t\u00eb ndryshme, mospajtueshm\u00ebria me qasjen e instancave\u00a0p\u00ebrgjegj\u00ebse,\u00e7ojn\u00eb n\u00eb nj\u00eb situat\u00eb t\u00eb r\u00ebnduar dhe thuajse t\u00eb pap\u00ebrballueshme sidomos p\u00ebr grat\u00eb. Derisa, ne ende vazhdojm\u00eb t\u00eb shohim dallime e metoda t\u00eb ndryshme t\u00eb cilat synojn\u00eb daljen nga kriza e sektor\u00ebve t\u00eb ndrysh\u00ebm, aplikimi i BPGJ-s\u00eb, parimisht do t\u00eb leht\u00ebsonte jet\u00ebn profesionale t\u00eb grave apo vajzave dhe do t\u00eb ndihmonte n\u00eb zbehjen e stereotipave me t\u00eb cilat vazhdojn\u00eb t\u00eb p\u00ebrballen.<\/p>\n

Autore: Nora Xhuzi<\/strong><\/p>\n<\/div>\n<\/div>\n<\/div>\n<\/div>\n