Новинарот Фуркан Салиу и камерманот Ибрахим Мамути биле во Ваксинце, каде што снимиле голема група на мигранти кои се движеле во регионот. Возејќи накај Скопје патот им го пресекол автомобил, а од него излегло лице кое им се заканило и им рекло да ги избришат сликите и да не ги објавуваат.

По двете интервјуа спроведени од новинарот Мишко Иванов (ТВ24) на лидерите на политички партии, Христијан Мицковски и Зоран Заев, новинарот добил заканувачка порака со вулгарен изрази и говор на омраза.

Болницата Аџибадем Систина кон новинарите од редакцијата на истражувачката новинарска платформа „ИРЛ.мк“ по повод нивната сторија за COVID-19 испратила реакција до редакцијата на ИРЛ во која на дрзок начин ги клеветат и навредуваат новинарите кои работеле на таа истражувачка сторија, а притоа без доволно аргументи во својата реакција бараат извинување, како и текстот да биде повлечен.

Претседателот на партијата ГРОМ, Стевчо Јакимовски во статус на својот Фејсбук профил со погрдни зборови упати навреди и повици за насилство кон новинарот на ТВ 24, Горазд Чомовски. Тоа го стори веднаш по објавувањето на дел од интервјуто на Чомовски со лидерот на ВМРО-ДПМНЕ, Христијан Мицкоски.

Вербален напад и навреди против новинарката Алмедина Исмајили.

Во текот на јануари 2020 год. на новинарката Анета додевска и’ била упатена закана на Фејсбук од лице регистрирано како Иво Бучим.

Лицето Емил Јакимовски упатило закани и навреди кон новинарката Искра Коровешовска.

Лицето Емил Јакимовски упатило закани и навреди кон новинарката и заменик-уредничка на „А1он“, Мери Јордановска. Според пораките кои ги објави Јордановска, заканувачот со погрдни зборови ја навредувал притоа заканувајќи се дека “ќе ја искреира на некролог“.

На новинарката Наташа Стојановска и биле упатени закани од страна на лице регистрирано на Фејсбук како Ненад Василевски.