Независното здружение на новинари на Војводина (НЗНВ) објави во петокот, на 17 јануари, дека српската полиција и Жандармеријата им се заканувале на новинарите кои известувале за упадот на опозициските политичари во Градската куќа во Нови Сад и физички ги отстраниле за да не можат да ги снимаат настаните во зградата.
„Новинарката на Радио 021 Драгана Прица и нејзината колешка Ксенија Павков од телевизијата N1 беа физички извлечени за рацете и рамениците од страна на полицијата и турнати кон излезот, иако неколкупати ја покажаа својата идентификација. Колегата од весникот Данас, Александар Латас, доби закана од полицаец дека ќе биде ‘врзан’, додека снимателот на ТВ Нова С, Дарко Екер, беше извлечен од полицајците држејќи го за ранецот со телевизиска опрема. Новинарот Жарко Богосављевиќ дури беше и физички турнат на земја,“ објави НЗНВ.
Настанот што новинарите го следеа во Нови Сад беше дел од серијата настани поврзани со тековните протести во Србија и блокадите на факултети и други институции, кои започнаа по падот на настрешницата на железничката станица во Нови Сад, при што загинаа 15 лица.
Независното здружение на новинари на Србија (НУНС) повеќепати укажуваше на несоодветното однесување на полицијата за време на овие протести, односно нивното неспособност да реагираат на нападите врз новинарите и на попречувањето на нивната работа при известување за протестите.
Овојпат, членовите на Министерството за внатрешни работи на Србија сериозно го загрозија јавниот интерес бидејќи очигледно добиле наредба да ги попречат медиумските работници да ја извршуваат својата работа, која е од големо значење за граѓаните на Србија, наместо да ја обезбедат нивната безбедност за време на известувањето.
НУНС ги осудува ваквите постапки на членовите на Министерството за внатрешни работи, чија главна задача е да ги заштитуваат граѓаните на Србија, вклучително и медиумските работници.
Мрежата SafeJournalists им се придружува на својот член НУНС и, бидејќи Србија сè уште нема директор на полицијата, бараме од раководителите на полициските управи во Србија и од министерот за внатрешни работи, Ивица Дачиќ, да ја вршат својата работа одговорно и да не ги злоупотребуваат своите законски овластувања, да ја гарантираат безбедноста на новинарите и да обезбедат нивно непречено известување од страна на членовите на Министерството за внатрешни работи.
Мрежата SafeJournalists ќе ги информира релевантните национални и меѓународни фактори.
Секој напад врз новинарите е напад врз јавниот интерес, демократијата и правата на сите граѓани.
Приштина – Скопје – Сараево – Загреб – Белград – Подгорица, 20.1.2025
Здружение на новинари на Косово
Здружение на новинари на Македонија
Здружение на новинари на БиХ
Здружение на новинари на Хрватска
Независно здружение на новинари на Србија
Синдикат на медиуми на Црна Гора