Јавната прозивка кон професорката Лејла Турчило се интензивираше во последниот месец во Босна и Херцеговина, со националистички најави и етикети како професорката која ги „труе бошњачките деца“ и „порекнувач на геноцид“.
Пред два дена, Здружението на новинари на БиХ објави соопштение со кое ги осудува нападите на медиумите, истите онлајн портали (Sejl.org и Bosnjaci.net) и преку профилите на овие медиуми на социјалните мрежи ја продолжи јавната прозивка, но и на генералниот секретар на Здружението на новинарите на БиХ Борка Рудиќ, обвинувајќи ги за национализам, за поддршка на воените злосторници и означувајќи ги како навреда за пророкот Мухамед и задушување на независното новинарство.
Повеќе од една година, професорката Турчило, нејзиниот наставен ангажман и јавни активности беа предмет на организирани кампањи, говор на омраза и клеветнички објави на социјалните мрежи и во медиумите, предводени од неколку онлајн портали.
Претседателот на Здружението на новинари на БиХ Марко Дивковиќ рече дека „нападите врз професорот Турчило и врз претставници на Здружението на новинари на БиХ претставуваат брутално насилство преку Интернет и повреда на правото на слобода на изразување и јавна акција“.
„Ова е еден од „докажаните “, насилни начини да се запрат критичките гласови во медиумите и академската заедница во Сараево и Босна и Херцеговина, со цел да се поткопаат вредностите на плуралистичкото и слободно општество“, рече тој.
Мрежата ,,SafeJournalists”, која претставува повеќе од 8.200 медиумски професионалци во Западен Балкан, ја осудува оваа брутална кампања против професорката Лејла Турчило.
За овој случај ќе ги известиме Канцеларијата на народниот правобранител во БиХ, Министерството за човекови права на БиХ и Бирото за федералната полиција (ФУП) и меѓународните актери.
Секој напад врз новинари е напад врз јавниот интерес, демократијата и правата на сите граѓани.
Скопје – Белград – Подгорица – Приштина – Сараево – Загреб, 15 септември 2021 година
Здружение на новинарите на Македонија
Здружение на новинари на Косово
Здружение на новинари БиХ
Здружение на хрватски новинари
Здружение на независни новинари на Србија
Синдикат на медиуми на Црна Гора