Gazetari i Vecernji List, Hassan Haidar Diab u kërcënua në fillim të prillit, kur shkroi një tekst rreth udhëheqësit çeçen Ramzan Kadyrov dhe tani i është qasur me të njëjtin ton dhe arrogancë nga Matvey Sidorov, një ish këshilltar për media i ambasadorit të Rusisë në Kroaci, i cili u përjashtua nga Zagrebi.
Përmes aplikacionit Telegram, Sidorov reagoi ndaj njoftimit të kërcënimeve të tyre ndaj Haidar Diab dhe, ndër të tjera, shkroi:
“Hej, përshëndetje Hassan, është një artikull i mrekullueshëm përsëri! Por nuk është shumë aktual, pse nuk e botuat atë ndërsa ishim në Zagreb?”
“Ky mesazh i tij dhe fjalët “përsëri artikull i madh” janë të njëjta me fjalët që ai tha në një bisedë telefonike me mua, kur ai tha se unë kam dy artikuj të mëdhenj për të përkthyer dhe dërguar tek Kadyrov”, tha Haidar Diab.
Kur gazetari e pyeti nëse ky ishte një kërcënim i drejtpërdrejtë, Sidorov tha se ai thjesht po përcillte mesazhin nga sekretari Sergei Trofimov, dhe se gazetari mund ta kuptonte atë siç donte.
Në prill, redaksia e Vecernji list ra dakord se ata nuk do të dalin në publik me informacion rreth kërcënimeve ruse pas botimit të udhëheqësit çeçen Ramzan Kadyrov për sigurinë e gazetarëve. Një muaj më parë, Haidar Diab mori mbrojtjen e policisë, dhe tani e përjavshmja Nacional doli me këtë informacion dhe e botoi atë.
Pasi Haidar Diab kontaktoi kryeredaktorin Drazhen Klariç, ky rast u raportua menjëherë në polici dhe ata morën të gjitha masat e nevojshme të sigurisë për Hassanin dhe familjen e tij.
“Asociacioni i Gazetarëve Kroatë dënon kërcënimet ndaj kolegut tonë. Ne i japim mbështetje të plotë. Për ne, kërcënime të tilla janë të papranueshme. Ne theksojmë edhe një herë se sa e rëndësishme është të garantohet puna e sigurtë e të gjithë gazetarëve”, tha kryetari i Asociacionit të Gazetarëve Kroatë, Hrvoje Zovko lidhur me këtë rast.
Rrjeti SafeJournalists, që përfaqëson më shumë se 8,200 profesionistë të mediave në Ballkanin Perëndimor, i bashkohet Asociacionit të Gazetarëve Kroatë anëtarit të vet në dënimin e kërcënimeve kundër Hassan Haidar Diab. Këto kërcënime janë shumë shqetësuese duke marrë parasysh se ai i tejkalon kufijtë shtetërorë dhe përfshin përfaqësuesin shtetëror rus. Ne u bëjmë thirrje institucioneve në Kroaci të sigurojnë sigurinë e gazetarëve.
Rrjeti SafeJournalists do të informojë akterët relevantë kombëtarë dhe ndërkombëtarë në lidhje me këtë rast.
Çdo sulm ndaj gazetarëve është një sulm ndaj interesit publik, demokracisë dhe të drejtave të të gjithë shtetasve.
Prishtinë – Shkup – Sarajevë – Zagreb – Beograd – Podgoricë, 5 maj 2022
Asociacioni i Gazetarëve të Kosovës
Asociacioni i Gazetarëve të Maqedonisë
Asociacioni i Gazetarëve të BH-së
Asociacioni i Gazetarëve Kroatë
Asociacioni i Pavarur i Gazetarëve të Serbisë
Sindikata e Mediave e Malit të Zi