AGK-ja i dënon kërcënimet në drejtim të gazetarit të Kallxo.com

0
70
Zyrtarja e Komunës së Fushë-Kosovës, Hasime Qyqalla, ka tentuar të frikësojë gazetarin e KALLXO.com

, Behar Mustafën, me inicim të ndjekjes penale.

Ky frikësim vjen pas një hulumtimi të KALLXO.com

, ku përfshihet i biri i zyrtares në fjalë. Në ndërkohë që, e njëjta gjatë ditës së sotme, nëpërmjet telefonit e ka kërcënuar gazetarin se do t’ia vendosë emrin në një kallëzim penal.

Asociacioni i Gazetarëve të Kosovës e dënon këtë tentim të personit zyrtar për të heshtur gazetarin Mustafa, në ndërkohë që i rikujton se në Kosovë shpifja është e dekriminalizuar.
AGK-ja, u bënë thirrje të gjithë zyrtarëve dhe personave me ndikim, të përmbahen nga kërcënimet dhe deklaratat e tilla në drejtim të gazetarëve, ngaqë narrativat e tilla, e dëmtojnë lirinë e shprehjes dhe tundin themelet e demokracisë. Për më tepër, AGK-ja, i inkurajon të gjithë kolegët që të vazhdojnë me raportimet e tyre të drejta dhe të mos bien pre e kërcënimeve të tilla.