Kryetari i Bordit të AGK-së, Xhemajl Rexha dhe Drejtorja Ekzekutive, Getoarbë Mulliqi Bojaj, pritën në takim lamtumirës Shefin e Seksionit për Media në Departamentin e Demokratizimit në OSBE, Dane Koruga.
Rexha dhe Mulliqi Bojaj falënderuan Korugan për mbështetjen e pakursyer të OSBE-së dhënë AGK-së, si dhe komunitetin e gazetarëve. Njëherësh, theksuan rëndësinë e vazhdimit të bashkëpunimit ndërmjet organizatave, për avokimin e sigurisë së gazetarëve dhe lirinë e medieve.
Asociacioni i Gazetarëve të Kosovës është mirënjohës për partneritetin e mirë që e gëzon me OSBE-në, ndihmën dhe besimin e dhënë për të realizuar aktivitete të shumta që kanë kontribuuar dhe vazhdojnë të kontribuojnë në ngritjen e kapaciteteve të gazetarëve në Kosovë.
