Dje, Ambasadori i Francës në Kosovë, z. Olivier Guerot, priti në takim Drejtoren Ekzekutive të Asociacionit të Gazetarëve të Kosovës – AGK-së, Getoarbë Mulliqi Bojaj, si dhe Zyrtaren për Komunikim, Rabije Hyseni, ku u njoftua nga afër me ngjarjet e fundit sa i përket sigurisë së gazetarëve dhe lirisë së medias.
Në këtë takim, Ambasadori Guerot priti edhe me praktikantët francezë, Axel Guillou dhe Remi Hunault, të cilët i janë bashkuar AGK-së muajin e kaluar. Për më tepër, gjatë takimit u rikonfirmua mbështetja e Ambasadorit për AGK-në dhe komunitetin të cilin e përfaqëson.
