Gazetarja e Top Channel, Leonita Bajrami, u sulmua në Mitrovicë më 27 dhjetor me lende piroteknike teksa po transmetonte direkt në programin e mëngjesit të Top Channel “Shqiperia Live”.
Sapo vuri re praninë e eksplozivit, ajo u largua, por transmetimi i drejtpërdrejtë nga vendndodhja vazhdoi pas sulmit. Ky sulm ndodhi teksa gazetari Bajrami po raportonte drejtpërdrejt nga lagjja boshnjake në Mitrovicë, për barrikadën e re që ishte vendosur aty më herët atë mëngjes. Pamjet nga sulmi mund të shihen këtu.
Ky është sulmi i gjashtë kundër gazetarëve në Mitrovicë gjatë dhjetorit të vitit 2022 teksa tensionet përshkallëzohen.
Vetura në të cilën udhëtonte gazetari dhe producenti i Kallxo.com është sulmuar në afërsi të Shkollës Teknike në Mitrovicë; Ekipi i RTV Dukagjinit është sulmuar me eksploziv gjatë transmetimit të drejtpërdrejtë në pjesën veriore të Kosovës; Ekipi i Klan Kosovës është sulmuar derisa po raportonte në afërsi të barrikadave në fshatin Çabër të Zubin Potokut kur sulmuesit e gjuajtën me gurë ekipin dhe i ofenduan; Ekipi i televizionit TeVe1 ishte nën sulm me eksploziv në lagjen boshnjake në Komunën e Mitrovicës. Ekipi i përbërë nga gazetari dhe kameramani ishte i pranishëm në momentin e shpërthimit; Persona të maskuar kanë sulmuar ekipin e Klanit të Kosovës në Zubin Potok të fshatit Zupç. Gazetari dhe shoferi kanë marrë trajtim mjekësor pasi xhamat e makinës të thyer nga gurët i kanë goditur në fytyrë.
Sulmet e vazhdueshme paraqesin një kërcënim serioz për sigurinë e gazetarëve dhe pengojnë raportimin për zhvillimet në veri të Kosovës. Në muajin e kaluar, Asociacioni i Gazetarëve të Kosovës ka kërkuar që KFOR-i dhe EULEX-i të luajnë një rol shtesë për të garantuar sigurinë fizike të gazetarëve, të cilët vazhdojnë të jenë pre e sulmeve të organizuara nga grupe personash të maskuar.
Rrjeti SafeJournalists, që përfaqëson më shumë se 8200 profesionistë të medias në Ballkanin Perëndimor, i dënon këto raste dhe u bën thirrje organeve kompetente që të garantojnë sigurinë e gazetarëve, veçanërisht në kohë delikate. Për më tepër, u bëjmë thirrje institucioneve përgjegjëse që të hedhin dritë mbi të gjitha rastet e sulmeve ndaj gazetarëve që kanë ndodhur në Kosovë, sepse çdo rast i pandëshkuar sjell më shumë krime ndaj gazetarëve.
Rrjeti SafeJournalists do të informojë të gjithë aktorët përkatës kombëtarë dhe ndërkombëtarë për rastet e fundit.
Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve.
Beograd – Podgoricë – Prishtinë – Sarajevë – Shkup – Zagreb, 29.12.2022
Asociacioni i Gazetarëve të Kosovës
Asociacioni i Gazetarëve të Kosovës
Asociacioni i Gazetarëve të Maqedonisë
Asociacioni i Gazetarëve të BH
Asociacioni i Gazetarëve Kroatë
Asociacioni i Pavarur i Gazetarëve të Serbisë
Sindikata e Mediave të Malit të Zi