Televizioni Klan Kosova, ka njoftuar se gjatë ditës së sotme Agjencia Kosovare për Regjistrimin e Bizneseve – ARBK, përmes një vendimi zyrtar, ka bërë të ditur se ka shfuqizuar vendimin për suspendimin e certifikatës së biznesit ndaj këtij mediumi.
Klan Kosova nëpërmjet një shkrese ka falënderuar të gjitha organizatat vendore dhe ndërkombëtare që merren me lirinë e medias dhe shprehjes, ambasadat, si dhe kolegët gazetarë që i dolën në mbështetje në këtë proces.
Asociacioni i Gazetarëve të Kosovës që nga publikimi i këtij vendimi, kishte ngritur shqetësimin për veprimin e MINT-it, dhe e mirëpret faktin që kanë përfunduar procedurat.