BEOGRAD, 31.10.2017. – Platforma rajonale e Ballkanit Perëndimore për avokimin e lirisë së medias dhe sigurisë së gazetarëve, që përfaqësojnë më shumë se 7800 anëtarë, fuqishëm dënojn kërcënimin me jetë ndaj gazetares Maja Sever nga transmetuesi publik i televizionit.
Ajo ka publikuar kërcënimin e pranuar në faqen e saj në Facebook, siç tha ajo, e dërguar tek ajo për shkak të lajmit të saj për refugjatët e transmetuar më 29 tetor. Së bashku me ofendimet dhe shprehjeve tjera abuzuese, autori i porosisë kishte shkruar: “Nëse dëshiron të jetosh me zezakë, shko jeto në Angli, Francë apo SHBA, por mos promovo ato politika multikulturale masoniste në Kroaci”. Maja Sever tha se porosia ishte dërguar nga një kroat që jeton në Belgjikë.
Sasa Lekovic, kryetar i Asociacionit të Gazetarëve Kroat (CJA), theksoi se kërcënimet dhe ofendimet kundër Maja Sever ishin episode të fundit të kërcënimeve ndaj gazetarëve, duke përfshirë kërcënimet me jetë, dhunës fizike dhe madje edhe të vrasjeve në tentativë.
Në katër vitet e fundit, CJA ka dokumentuar 39 raste të kërcënimeve dhe sulmeve ndaj gazetarëve, por vetëm disa prej tyre janë dërguar në gjykatë (procedurat gjyqësore janë ende duke vazhduar) apo janë sanksionuar.
Në shumicën e këtyre rasteve të zgjidhura kryerësit e krimeve madje as nuk kanë fshehur identitetin e tyre. Në raste tjera, as CJA por as gazetarët e sulmuar nuk kanë pranuar informata për hetimet; nganjëherë as që janë hapur.
“Ne informojmë publikun kroat, organizatat ndërkombëtare të gazetarëve dhe të tjerët që merren me lirinë e mediave për secilin rast të sulmeve ndaj gazetarëve dhe bëjmë thirrje për reagim më efikas dhe të shpejtë të institucioneve kroate”, tha Lekovic. Por ai gjithashtu tha se nuk ka vullnet politik për të zgjidhur rastet e gazetarëve të sulmuar. “Madje disa politikanë i ofendojnë ata duke i pranuar ato sulme dhe kjo është një porosi e qartë për institucionet relevante që mos ti marrin në mbrojtje gazetarët në mënyrë serioze”, shtoi Lekovic.
Platforma do të dërgoj letra tek të gjitha autoritetet relevante në Kroaci duke kërkuar nga ata që të parandalojnë çdo formë të dhunës kundër gazetarëve, që hetimet të jenë urgjente dhe të plota ndaj fakteve për këtë dhe rastet tjera të dhunës. Duke e bërë këtë ata do të dërgojnë porosi të qartë tek publiku se një sjellje e tillë nuk është e pranueshme. Po ashtu, Platforma do të raportojë rastin tek Këshilli i Europës që promovon mbrojtjen dhe sigurinë e gazetarëve në platformën e tyre.
Platforma rajonale fuqishëm përkrah Asociacionin e Gazetarëve të Kroacisë dhe përpjekjet e tyre për të mbrojtur gazetarët dhe lirinë e shprehjes. Platforma po ashtu bënë thirrje tek organizatat ndërkombëtare që merren me mbrojtjen e lirisë së shtypit dhe të drejtat e gazetarëve që të nxisë autoritetet që të hetojnë këtë dhe rastet tjera.
Sulmi ndaj gazetarëve është sulm i drejtpërdrejtë në lirinë e shprehjes dhe të drejtës së qytetarëve për t’u informuar. Më 2017, CJA ka regjistrua 11 sulme dhe kërcënime ndaj gazetarëve.
Asociacioni i Gazetarëve të BH
Sindikata e Mediave të Malit të Zi
Asociacioni i Gazetarëve të Kroacisë
Asociacioni i Gazetarëve të Kosovës
Asociacioni i Gazetarëve të Maqedonisë
Asciacioni i Pavarur i Gazetarëve të Serbisë
Platforma Regjionale e Ballkanit Perëndimor për Avokim të Lirisë së Mediave dhe Sigurisë së Gazetarëve, Shkup – Beograd – Podgoricë – Prishtinë – Sarajevë – Zagreb, 31/10/2017