Embassy of the Netherlands in Kosovo në bashkëpunim të ngushtë me Asociacionin e Gazetarëve të Kosovës, sot hapën Ekspozitën për Lirinë e Medias, në nder të shënimit të Ditës Botërore të Lirisë së Medias, që shënohet më 3 Maj.
Në ceremoninë inauguruese, të pranishmëve iu drejtuan Ambasadorja e Holandës, Carin Lobbezoo dhe Kryetari i Bordit të AGK-së, Xhemajl Rexha.
Kjo ekspozitë është rezultat i konkursit për karikatura të Ballkanit Perëndimor për Lirinë e Medias. Nga gjithsej 186 aplikime të 95 artistëve nga Shqipëria, Kosova, Bosnje dhe Hercegovina, Mali i Zi, Maqedonia e Veriut dhe Serbia, një juri ekspertësh nga të gjitha këto shtete, përzgjodhi 44 karikatura.
Vendin e parë e zuri karikaturisti nga Serbia, Dusan Petricic, teksa vendin e dytë, kolegu nga Maqedonia e Veriut, Armend Ajredini.
Ekspozita do të jetë e hapur deri më 3 maj, në Lapidariumin e Muzeut Kombëtar të Kosovës.