Shkup, 09.03.2018 – Platforma Regjionale e Ballkanit Perëndimor për Avokim të Lirisë së Medias dhe Sigurisë së Gazetarëve, e cila përfaqëson më shumë se 8000 anëtarë, e dënon fuqishëm kërcënimin e fundit ndaj kryetarit të Asociacionit të Gazetarëve të Maqedonisë, Naser Selmani.
Pasi Selmani ka shkruar status në rrjetin social Facebook, Bejtula Asani, vëllai i Bekir Asanit – i cili është i lidhur me partinë DUI, i ka dërguar atij kërcënim me vdekje përmes mesengjerit të Facebook. Selmani në profilin e tij zyrtar në Facebook ka shkruar status ku ai ka akuzuar autoritet që nuk kanë qenë në gjendje për ta mbrojtur zyrtaren e policisë, e cila dyshohet se ishte sulmuar nga Bekir Asani gjatë detyrës zyrtare si zyrtare policore e trafikut.
Pas publikimit të postimit, Bejtula Asani dërgoi mesazh privat tek Selmani, dhe në mesazh e kishte kërcënuar atë, gruan e tij, fëmijët dhe prindërit e tij. Selmani menjëherë kishte lajmëruar policinë e incidentit. Policia ka reaguar menjëherë, sidoqoftë Prokuroria Publike pas analizimit të mesazhit të dërguar tek Selmani nuk ka gjetur ndonjë element të kërcënimit.
Komuniteti ndërkombëtar një ditë pas incidentit të ndodhur, ka dënuar incidentin. Mes tyre ishte Përfaqësuesi i OSBE-së për Lirinë e Mediave, Harlem Desir i cili kishte shkruar në Twitter:
“Kërcënimi dhe fyerja e Naser Selmanit, kryetar i AGM ka pranuar për positimin e tij në media sociale janë të papranueshme. Ky është sulm i drejtpërdrejtë në shprehjen e lirë dhe duhet me shpejtësi të hulumtohet dhe gazetarët të sigurohen.”
Gjatë kohërave kur gazetarët në Evropë kanë qenë të kërcënuar dhe të vrarë për publikimin e ngjarjeve kundër kriminelëve, autoritetet ndërkombëtare duhet shpejtë të ndërmarrin masa për të parandaluar ndonjë vrasje të mëtejshme të gazetarëve. Tolerimi i një incidenti të tillë dhe mosndëshkimi inkurajon në të ardhmen dhunën ndaj gazetarëve.
Platforma fuqishëm dënon incidentin dhe do të dërgoj letër shqetësuese tek të gjitha autoritetet relevante në Maqedoni duke iu kërkuar të parandalojnë cdo formë të dhunës ndaj gazetarëve, urgjentisht dhe tërësishtë të hulumtohen të gjitha faktet e këtij rasti dhe më në fund të fillohet të veprohet në përputhje me rrethanat. Gjithashtu ne do të raportojmë rastin tek platform për të promovuar dhe mbrojtur gazetarinë dhe sigurinë e gazetarëve.
Në tri vitet e kaluara, AGM ka regjistruar 33 raste të sulmeve dhe kërcënimeve mbi gazetarët në Maqedoni, duke përfshirë edhe incidentin e fundit.
Sulmi dhe kërcënimi i gazetarëve është sulm direkt në lirinë e shprehjes dhe të drejtën e qytetarëve për të qenë të informuar. Çdo sulm mbi gazetarët është sulm mbi interesin publik, demokracinë dhe të drejtat e të gjithë qytetarëve.
Asociacioni i Gazetarëve të Bosnjës
Unioni i Mediave të Malit të Zi
Asociacioni i Gazetarëve të Kroacisë
Asociacioni i Gazetarëve të Kosovës
Asociacioni i Gazetarëve të Maqedonisë
Asociacioni i Pavarur i Gazetarëve të Serbisë