Огнен Јанески, новинар од македонската приватна телевизија ТВ 24, на 27 јуни во две ТВ емисии во живо, од непознат гледач доби јавни закани за насилство врз новинари и медиумски работници кои работат во телевизиите во земјава.
Поконкретно, за време на емисијата „Во тек“ на ТВ 24, која е од ТВ формат, анонимен гледач се заканувал дека ќе ги претепа сите новинари од телевизиите, претставувајќи говор на омраза кон целата новинарска професија, медиумските работници и воопшто телевизиите.
Истото лице преку дополнителен повик во попладневната емисија „Очи в Очи“ вербално му се заканува на Огнен Јанески со зборовите: „А тие што ќе те повикаат и ќе те поддржат, ќе те кренат до небо, ќе те урнат“. Повторно истите. Ви благодарам за тужбата што ќе ја поднесете против мене. И ќе се сретнеме на друго место, каде што живееш“, чин што ја загрозува неговата безбедност.
Случајот е пријавен до надлежниот јавен обвинител во Скопје, се очекува брза истрага, за ваквите случаи веднаш да бидат санкционирани.
Од Здружението на новинарите на Македонија (ЗНМ) велат дека ваквите јавни вербални закани кон новинарските медиумски работници се неприфатливи.
Младен Чадиковски, претседателот на ЗНМ вели дека овие коментари можат да предизвикаат страв кај новинарите и медиумските работници и да ја загрозат нивната безбедност со поттикнување насилство. „Време е да се сфати сериозноста на ваквите вербални напади и да се стави крај на недозволеното однесување кон медиумските работници“, потенцира Чадиковски.
Мрежата SafeJournalists, која претставува повеќе од 8.200 медиумски професионалци во Западен Балкан, остро ги осудува вербалните напади и заканите кон медиумските работници и ги повикува властите соодветно да ги санкционираат сторителите.
SafeJournalists мрежата ќе ги информира релевантните национални и меѓународни засегнати страни за овој случај.
Секој напад врз новинари е напад врз јавниот интерес, демократијата и правата на сите граѓани.
Скопје – Белград – Подгорица – Приштина – Сараево – Загреб – Тирана, 29.06.2023
Здружение на новинари на Македонијa
Здружение на новинари на Косово
Здружение на новинари на БиХ
Здружение на новинари на Хрватска
Независното здружение на новинари на Србија
Синдикатот на медиуми на Црна Гора