SafeJournalists: Stop dhunës kundër gazetarëve dhe aktivistëve në Bosnje dhe Hercegovinë

    0
    66
    photo: canva

    Disa gazetarë dhe aktivistë u sulmuan në Banja Luka në mbrëmjen e 18 marsit, para zyrës ku u organizua një takim i anëtarëve të komunitetit LGBTIQ+ nga e gjithë Bosnja dhe Hercegovina, me qëllim për të parë një film dokumentar tematik dhe për të diskutuar të drejtat e këtij komuniteti dhe mbrojtjen e tyre. Më herët atë ditë, policia vendosi të ndalojë mbledhjen e Komitetit Organizativ të “Bh. parada të krenarisë për shkak të “risqeve të sigurisë”.

    Aktivistët vendosën të mblidheshin gjithsesi, në ambiente të mbyllura dhe rreth 15 prej tyre, mes tyre edhe gazetarë, u sulmuan nga një grup deri në 30-40 huliganë. Policia nuk bëri asgjë për të mbrojtur pjesëmarrësit e takimit dhe nuk u sigurua që gazetarët të kryenin punën e tyre të papenguar. Pas ngjarjes, një pjesë e aktivistëve dhe gazetarëve kanë tentuar të arratisen duke ikur, ndërsa grupi tjetër është evakuuar nga policia në komisariatin e Banja Lukës, ku janë marrë në pyetje si viktima.

    Borka Rudic, sekretare e përgjithshëme e Shoqatës së Gazetarëve të BH, thotë se Presidenti i Republikës Srpska Milorad Dodik dhe kryetari i Bashkisë së Banja Lukës Drasko Stanivukovic janë përgjegjës për sulmin në Banja Luka, të cilët nxitën dhe përhapën urrejtje ndaj komunitetit LGBTIQ+ dhe ndaj të gjithëve ata që i mbështesin disa ditë para vetë incidentit. “Këta dy politikanë nuk folën publikisht për të drejtat e njeriut të atij komuniteti pakicë, siç do të ishte normale në shtetet demokratike; ata nuk folën se si është e papranueshme të kundërshtohen të drejtat e njeriut të një grupi në raport me një grup tjetër, nuk folën për parandalimin e diskriminimit… Në deklaratat e tyre ata vënë në plan të parë atë që u pëlqen dhe çfarë nuk u pëlqen, cili është botëkuptimi i tyre në raport me komunitetin LGBTIQ+ sikur të ishin individë privatë dhe jo bartës të pozitave më të larta në këtë subjekt”, thotë Rudiq dhe shton se “të njëjtin nivel përgjegjësie mban policia sepse kanë vepruar në përputhje me “dëshirat” e politikanëve, dhe jo në përputhje me Ligjin për Tubimet Publike të Republikës Srpska dhe detyrimin e tyre institucional për të mbrojtur grupet minoritare nga dhuna e shumicës”.

    Rrjeti i SafeJournalists, që përfaqëson më shumë se 8,200 profesionistë të medias në Ballkanin Perëndimor, dënon fuqishëm këtë sulm dhe i bashkohet Shoqatës së Gazetarëve të saj anëtare të BH dhe u ofron mbështetje gazetarëve të sulmuar Vanja Stokic dhe Melani Isovic, gazetares Vanja Sunjic dhe fotoreporterit Ajdin Kamber. Rrjeti kërkon një hetim të menjëhershëm të sulmeve ndaj gazetarëve dhe aktivistëve, si dhe zbulimin e sulmuesve dhe atyre që qëndrojnë pas këtij sulmi. Gjithashtu u bëjmë thirrje autoriteteve që të përmbahen nga deklaratat që nxisin dhunë dhe gjuhë të urrejtjes.

    Rrjeti SafeJournalists do të informojë të gjitha palët relevante kombëtare dhe ndërkombëtare për këtë rast.

    Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve.

    Beograd – Podgoricë – Prishtinë – Sarajevë – Shkup – Zagreb, 20.3.2023

     

    Asociacioni i Gazetarëve të Kosovës

    Shoqata e Gazetarëve të Maqedonisë

    Shoqata e Gazetarëve të BH

    Shoqata e Gazetarëve Kroatë

    Shoqata e Pavarur e Gazetarëve të Serbisë

    Sindikata e Mediave të Malit të Zi