Organizatat joqeveritare Roma In Action, përfaqësuar nga Emrah Cermjani dhe Lëvizja Fol nga Burbuqe Kastrati, të shoqëruar nga Kryetari i Bordit të AGK-së, Xhemajl Rexha, këtë të hënë dhe të martë, në Beograd të Serbisë prezantuan aktivitetet e zbatuara si përfituese të granteve të vogla të ndara nga plaftorma rajonale Safe Journalists, në tetor të vitit 2021.
Në këtë takim, organizatat joqeveritare nga të gjitha shtetet anëtare të platformës, ndanë praktikat e mira dhe vështirësitë nga periudha e zbatimit të këtyre granteve, si dhe diskutuan për aktivitetet që do të zbatohen në muajt pasues.
Mbështetja e dhënë ndaj OJQ-ve përmes këtyre granteve ishte krijuar me qëllimin që të forcohej roli i tyre në raport me autoritetet dhe qytetarët, si akterë relevantë në procesin e vendimmarrjes.
