BELA CRKVA, 15.06.2018. – Gazetari Stefan Cvetkovic i cili u zhduk në orët e vona të së të mërkurës është i gjallë dhe i palënduar dhe gjendet në një stacion policor në qytetin verior të Bela Crkva, tha Aleksandar Vucic, Presidenti i Serbisë në një konferencë shtypi.
Ai nuk dha shumë detaje, raporton N1, përveç që Cvetkovic është gjetur në zonë më të gjërë të Bela Crkvas dhe se ai ka dhënë versionin e tij se çfarë ka ndodhur që nga nata ndërmjet së mërkures dhe të enjtes ku “shërbimet tona të sigurisë janë duke shikuar në të.”
Zhdukja e Cvetkovicit shkaktoi brengë vendore dhe ndërkombëtare pasi që disa banorë lokal gjetën veturën e tij të ndezur dhe me dyer të hapura dhe disa gjëra personale afër veturës.
Policia dhe xhandarmeria e Serbisë, zhytësit dhe helikopterët ishin të angazhuar në një kërkim që nga zhdukja është raportuar. As Vucic, as Ministri i Brendshëm, por as shefi i Sigurimit të Shtetit nuk kanë ndarë ndonjë detaj me gazetarët.
Cvetkovic është thënë se ishte duke punuar në një shkrim rreth vrasjes në janar të politikanit serb nga Kosova, Oliver Ivanovic. Hetimi mbi vrasjen nuk ka prodhuar asnjë rezultat deri më tash.