PRISHTINË, 09.05.2017 – Asociacioni i Gazetarëve të Kosovës është informuar nga anëtarja Dardanë Neziri se ajo është ndier e ofenduar nga gjuha e përdorur nga zëdhënësja e prokurorisë Liridona Kozmaqi – Hajdaraj e cila gazetarën e ka quajtur “të pa edukate dhe të pa aftë”.
Poashtu Neziri ka thënë se zëdhënësja Liridona Kozmaqi – Hajdaraj e ka këcënuar gazetën “Koha Ditore” me moskthim të përgjigjeve në të ardhmen, gjë që bije ndesh me parimet e transparencës dhe misionin e prokurorisë.
Ne e dënojmë këtë veprim duke besuar se veprime të tilla nuk do të ndodhin në të ardhmen.
AGK, thërret për bashkëpunim të zyrës për informim të prokurorisë me gazetarë pa përjashtim.
Muajt e fundit AGK dhe Prokuroria e Shtetit janë angazhuar në krjimin e raporteve profesionale, gjithmonë në shërbim të komunikimit profesional dhe informimit të drejt të qytetarëve.