ЗНМ и ССНМ побараа од премиерот Заев итни медиумски реформи

    0
    143

    СКОПЈЕ 19.06.2017 – Претставници на Здружението на новинари на Македонија и на Самостојниот синдикат на новинари и на медиумски работници се сретнаа со премиерот Зоран Заев, каде беше разговарано за итните медиумски реформи.

    Претседателката на ССНМ, Тамара Чаусидис и Претседателот на ЗНМ Насер Селмани ги презентираа приоритетите неопходни за подобрување на состојбата со слободата на медиумите.

    Од страна на Премиерот Заев беше демонстрирана подготвеност и политичка воља да се прекине праксата на неказнивост и насилство врз новинарите и да се направат сите неопходни законски измени за гарантирање на слободата на говорот и за независноста на медиумите.

    Од двете новинарски организации беа понудени конкретни решенија за финансирање на медиумите, реформата на јавниот сервис, подобрување на работничките права во редакциите и за зголемување на транспарентноста и отчетноста на институциите.

    ЗНМ и ССНМ потврдија дека и во иднина принципиелно ќе работат на зајакнување на професионалните стандарди и засилување на концептот на саморегулација во медиумите.

     

    Здружение на новинарите на Македонија

    Фото: ЗНМ