СЈ: Албански и српски новинари нападнати и попречени во својата работа во Северна Митровица

    0
    291

    Немирите започнаа на северот на Косово во Митровица на 13 октомври, додека полициската единица од Приштина спроведуваше операција за спречување на криумчарење. За време на овие судири меѓу граѓаните и полицијата, новинари од ,,KoSSev”, ,,T7“, ,,Klan Kosova“, ,,RTV Dukagjini“, ,,ATV“ and ,,Kanal 10“ беа нападнати и попречени при извршување на својата должност.

    Демонстрантите му пријдоа на Иван Митиќ, новинар на медиумите ,,KoSSev”, во неколку наврати и се обидоа да го спречат да снима настани на улица. Го прашаа зошто снима, се заканија дека ќе ги избришат тие снимки и дека ќе му го одземат телефонот.

    Од друга страна, според извештаите, неколку новинари на различни албански медиуми биле нападнати во Северна Митровица, а друг инцидент се случил на пат кон Лепосавиќ каде демонстрантите ги бркале новинарите со автомобили.

    Иван Митиќ рече дека во еден момент бил опкружен со маскирани демонстранти и побарале од него да ги избрише видеата. „Меѓутоа, немаше физички контакт, но другите колеги ми велат дека и тие имале непријатни искуства со демонстрантите“, рече тој.

    Члиримтар Морина, новинар на медиумот ,,Т7”, рече дека „ситуацијата е одраз на тоа како граѓаните се чувствуваат за новинарите и медиумите“. “Околината е сурова за да ја работиме нашата работа, а денешниот ден беше доказ за тоа. Наша должност е да ве информираме, но денес нашите животи беа загрозени само затоа што ја извршувавме нашата работа”,

    Џемаил Реџа, претседателот на Управниот одбор на Здружението на новинарите во Косово, рече дека „ЗНК е вознемирена од она што нашите колеги мораа да го поминат денес“.

    “Известувањето од немири и тензии на северот на Косово е секогаш тешко, но денес новинарите и медиумските работници од медиумите на албански и српски јазик беа нападнати и притиснати од локални демонстранти. Бидејќи нивните животи беа загрозени за време на известувањето, ние итно ја повикуваме косовската полиција да ги заштити. ЗНК е во близок контакт со властите за да обезбеди безбедна средина за новинарите да ја вршат својата работа “, рече тој.

    Мрежата на ,,SafeJournalists” го осудува нападот и попречувањето на работата на српските и албанските новинари. Ја повикуваме косовската полиција да им обезбеди сигурност на новинарите да ја извршуваат својата работа непречено. Исто така, бараме да ги заштитат новинарите за време на следниот протест и да спречат нови инциденти.

     

    Ние ќе ги известиме сите релевантни национални и меѓународни засегнати страни за овој случај.

     

    Секој напад врз новинари е напад врз јавниот интерес, демократијата и правата на сите граѓани.

     

    Белград – Подгорица – Приштина – Сараево – Скопје – Загреб, 13 октомври 2021 година

     

    Здружение на новинари на Македонија

    Здружение на новинари на Косово

    Здружение на новинари БиХ

    Здружение на новинари на Хрватска

    Независно новинарско здружение на Србија

    Синдикат на медиуми на Црна Гора