Мрежата ,,SafeJournalists’’ е информирана за прекршувањето на личните податоци на Едмонд Хоџај, новинар во БИРН мрежата Албанија и Reporter.al и неговата сопруга. На полноќ на 23 април 2022 година, Едмонд и неговата сопруга случајно откриле во нивните сметки на порталот е-Албанија (портал за е-услуги) дека нотар по име Агрон Бајри го генерирал нивниот семеен сертификат на 14 април и неколку минути подоцна генерирал и потврда за уплата на придонесите на неговата сопруга. Едмонд и неговата сопруга лично не го познаваат овој нотар и не го овластиле да генерира лични документи. Така што нотарот Агрон Бајри овие дејствија ги извршил без согласност и без знаење на новинарот на БИРН и неговата сопруга. Едмонд Хоџај за SafeJournalists мрежата изјави дека „Не сме имале никаков претходен контакт или познаник со оваа личност, ниту јас ниту мојата сопруга, ниту сме го побарале тоа од него“.
Едмонд Хоџај ги покривал јавните сослушувања на процесот на проверка на г-ѓа Елизабета Имерај, шеф на Обвинителството во Тирана од 30 март до 12 април и слушнал дека Агрон Бајри за време на овие седници бил поранешен сопруг на г-ѓа Имерај. По извршената проверка со алатките за пребарување на интернет, Едмонд открил дека поранешниот сопруг на Имерај бил нотар и се викал Агрон Бајри.
Запрашан од претставник на SafeJournalists мрежата во Албанија, Едмонд изјави дека мисли дека г-дин Бајри ги генерирал неговите и неговата сопруга лични податоци поради работата што Едмонд ја прави при известувањето за случајот на високо ниво на процесот на проверка на г-ѓа Имерај. Тој исто така рече дека „И покрај ваквата ситуација продолжувам и знам дека продолжувам со мојата работа практикувајќи ја професијата новинар“.
Претставникот на мрежата SafeJournalists во Албанија Блерјана Бино рече дека осудата на овој случај мора да биде многу гласна од новинарите и дека релевантните институции мора да ги преземат неопходните мерки. „Дигиталната безбедност на новинарите и особено на истражувачките новинари е многу несигурна во Албанија. Случајот на г-дин Едмонд Хоџај мора да се гледа како повик за будење за сите засегнати страни да работат повеќе на обезбедување на безбедноста на новинарите во Албанија, особено имајќи ја предвид брзата дигитализација на јавните услуги и централизацијата на личните податоци на платформата е-албанија“.
Оваа ситуација Едмонд ја пријавил кај комесарот за право на пристап до информации и заштита на личните податоци, до кого упатил претставка за повреда на лични податоци. Тој, исто така, го упати случајот до Обвинителството на Судскиот округ Тирана за да оцени дали дејствијата на г. Бајри претставуваат кривично дело или не.
Мрежата „SafeJournalists“ се загрижени поради кршењето на личните податоци на новинарот и нарушувањето на безбедноста на него и неговата сопруга. Бараме од Комесарот за право на пристап до информации и заштита на лични податоци да го истражи случајот и да направи целосна транспарентност за случајот правилно и брзо. Очекуваме и Обвинителството на Судскиот округ Тирана да спроведе истрага и да се погрижи ова да не стане преседан дека нотар или кој било може да ги прекрши личните податоци и да ги користи како алатки за заплашување или притисок.
Секој напад врз новинари е напад на јавниот интерес, демократијата и правата на сите граѓани.
Скопје – Приштина – Сараево – Загреб – Белград – Подгорица – Тирана, 30 април 2022 г.
Здружение на новинари на Македонија
Здружение на новинари на Косово
Здружението на новинари на БиХ
Здружение на новинари на Хрватска
Независното здружение на новинари на Србија
Синдикатот на медиуми на Црна Гора
