Новинарите и снимателите беа изложени на вербални напади и навреди од група граѓани во градот Оток во Хрватска кога известуваа за апсењето на градоначалникот и до неодамна пратеник на ХДЗ, Јосип Шариќ.
Според медиумите, интервентната полиција ги предупредила напаѓачите и им рекла да се оддалечат. Полициското одделение на Вуковарско-сремската жупанија официјално го соопшти нападот врз новинарите во Оток, кое во соопштението за медиумите наведува дека спроведената кривична истрага утврдила дека 53-годишникот сторил прекршок според Законот за прекршоци против јавниот ред и мир и дека против него се гони обвинителен предлог до надлежниот суд.
Според полицискиот извештај, 53-годишниот го нарушил јавниот ред и мир со викање и навредување на особено смел и непристоен начин, поради што полициските службеници го отстраниле од местото на настанот и започнале кривична истрага. Според полицискиот извештај, напаѓачот бил под дејство на алкохол.
Хрватското здружение на новинари (ХНД) реагираше на овие напади и побара казна за сите кои учествуваа.
ХНД со години предупредува за последиците од вербалните напади врз новинарите и медиумите од највисоките политички инстанци од страна на функционери кои често ги етикетираат како непријатели. Истовременото отсуство на недвосмислена осуда на се почестите закани и напади е гориво за сите оние кои мислат дека можат неказнето да ги нападнат нашите колеги, рече Хрвоје Зовко, претседател на Хрватското новинарско здружение.
Mрежата „SafeJournalists“ нагласува дека нападите врз новинари и медиумски работници се неприфатливи и претставуваат тежок напад врз слободата на медиумите и правото на јавноста на информирање.
Новинарите, видеографите и сите медиумски работници мора да имаат право безбедно да ги извршуваат своите должности без страв од насилство и заплашување.
Ги повикуваме релевантните институции, вклучително и полицијата и Јавното обвинителство, темелно да ги истражат овие инциденти и да обезбедат одговорните да бидат изведени пред лицето на правдата. Исто така, апелираме до јавноста и политичките актери да ја осудат секоја форма на насилство врз новинарите и да застанат во одбрана на слободата на медиумите.
Мрежата „SafeJournalists“ ќе ги информира релевантните национални и меѓународни актери за овој случај.
Секој напад врз новинари е напад на јавниот интерес, демократијата и правата на сите граѓани.
Приштина – Скопје – Сараево – Загреб – Белград – Подгорица, 27 септември 2024 година
Здружение на новинари на Косово
Здружение на новинари на Македонија
Здружение на новинари на БиХ
Здружение на новинари на Хрватска
Независното здружение на новинари на Србија
Синдикатот на медиуми на Црна Гора
