Мрежата за безбедни новинари и Media Freedom Rapid Response најостро го осудуваат однесувањето на локалните власти во Инџија, кои насилно ја отстранија новинарката Верица Маринчиќ од зградата на општината и ја спречија да си ја врши работата. Апелираме до надлежните органи да го истражат овој инцидент во кој беше повреден новинарот.
Новинарката на порталот „Ин медиа“ од Инџија, Верица Маринчиќ, беше исфрлена од зградата на општина Инџија затоа што „не беше на списокот“ за следење на конференцијата за протестите на жителите против укинувањето на железничката станица. На видеото кое го објави телевизијата N1, се гледа дека припадник на безбедносните сили со употреба на физичка сила го отстранил новинарот од зградата.
Верица Маринчиќ вели дека дошла да го види протестот кој претходно беше најавен, а кога видела дека во зградата влегуваат новинари од Индија, ги следела, но на влезот ја пречекал шефот на кабинетот на претседателот на општината, кој изјавил неа дека не може да оди на конференцијата.
„Го земав телефонот за да снимам што ми зборува и тој ме фати за левата надлактица бидејќи имав телефон во таа рака и ме стисна очекувајќи телефонот да ми испадне од рака. Бидејќи не сакав да се откажам, ми го зеде телефонот. Кога видел дека сето тоа го снима новинар од N1, тогаш се повлекол. После тоа излезе човек од обезбедувањето и почна да ме турка да излезам надвор“, изјавила Верица Маринчиќ. Целиот случај е пријавен до надлежните органи.
Мрежата SafeJournalists и Media Freedom Rapid Response ја повикуваат државата итно да испрати порака дека ваквото однесување е неприфатливо и да го осуди ваквото однесување кон новинарите. SafeJournalists и MFRR, исто така, апелираат до јавните службеници и политичарите да се воздржат од таргетирање на медиумите во Србија, бидејќи нивната реторика ги охрабрува поединците подоцна да им се закануваат на медиумите и медиумските работници.
Секој напад врз новинари е напад врз јавниот интерес, демократијата и правата на сите граѓани.
Мрежата SafeJournalists
Здружение на новинари на Македонија
Здружение на новинари на Косово
Здружение на новинари на БиХ
Здружение на новинари на Хрватска
Независното здружение на новинари на Србија
Синдикатот на медиуми на Црна Гора
Media Freedom Rapid Response (MFRR)
ARTICLE 19 Europe
European Centre for Press and Media Freedom (ECPMF)
European Federation of Journalists (EFJ)
OBC Transeuropa (OBCT)
Free Press Unlimited (FPU)
International Press Institute (IPI)
