Gazetarët dhe kameramanët u ekspozuan ndaj sulmeve verbale dhe ofendimeve të një grupi qytetarësh në qytetin Otok të Kroacisë kur raportuan për arrestimin e Kryetarit të Komunës dhe deri vonë, deputetit të HDZ-së, Josip Shariq.
Sipas raportimeve të mediave, policia i paralajmëroi sulmuesit dhe u tha të largoheshin. Policia e qarkut Vukovar-Srijem ka njoftuar zyrtarisht për sulmin ndaj gazetarëve në Otok, e cila në komunikatën e saj për shtyp ka thënë se nga hetimi penal i kryer është vërtetuar se 53-vjeçari ka kryer një vepër penale nga Ligji për kundërvajtje kundër rendit publik dhe Paqes, dhe se ai është duke u ndjekur penalisht.
Sipas njoftimit të policisë, 53-vjeçari ka prishur rendin dhe qetësinë publike duke bërtitur dhe ofenduar në mënyrë veçanërisht të guximshme dhe të pahijshme, për këtë arsye efektivët e policisë e kanë larguar nga vendi i ngjarjes dhe kanë nisur një hetim penal. Sipas njoftimit të policisë, sulmuesi ka qenë nën efektin e alkoolit.
Shoqata e Gazetarëve Kroatë (CJA) reagoi ndaj këtyre sulmeve dhe kërkoi ndëshkim për të gjithë ata që morën pjesë.
CJA ka paralajmëruar prej vitesh për pasojat e sulmeve verbale ndaj gazetarëve dhe mediave nga instancat më të larta politike nga zyrtarë që shpesh i etiketojnë si armiq. Mungesa e njëkohshme e një dënimi të qartë të kërcënimeve dhe sulmeve gjithnjë e më të shpeshta është lëndë djegëse për të gjithë ata që mendojnë se mund të sulmojnë kolegët tanë pa u ndëshkuar, tha Hrvoje Zovko, kryetar i Shoqatës së Gazetarëve Kroatë.
Rrjeti Safe Journalists thekson se sulmet ndaj gazetarëve dhe punonjësve të medias janë të papranueshme dhe përfaqësojnë një sulm të ashpër ndaj lirisë së medias dhe të drejtës së publikut për informim.
Gazetarët, videografët dhe të gjithë punonjësit e medias duhet të kenë të drejtë të kryejnë në mënyrë të sigurt detyrat e tyre pa frikë nga dhuna dhe frikësimi.
U bëjmë thirrje institucioneve përkatëse, përfshirë policinë dhe Prokurorinë e Përgjithshme, që të hetojnë tërësisht këto incidente dhe të sigurojnë që përgjegjësit të dalin para drejtësisë. Gjithashtu i bëjmë thirrje publikut dhe aktorëve politikë që të dënojnë çdo formë dhune ndaj gazetarëve dhe të ngrihen për lirinë e medias.
Rrjeti SafeJournalists do të informojë aktorët përkatës kombëtarë dhe ndërkombëtarë për këtë rast.
Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve.
Pristina – Skopje – Sarajevo – Zagreb – Belgrade – Podgorica, 27 September 2024
Association of Journalists of Kosovo
Association of Journalists of Macedonia
BH Journalists Association
Croatian Journalists’ Association
Independent Journalists Association of Serbia
Trade Union of Media of Montenegro
