Мрежата за известување за криминал и корупција (КРИК), редакција која известува за криминалот и корупцијата во Србија, доби смртна закана, во средата на 1 декември преку нивниот профил на Твитер.
Откако објавија сторија за началникот на полицијата кој наредил да се избрише тајната снимка на таткото на министерот Стефановиќ, лицето со име Ѓорѓе Павловиќ со профил „@ore05995944“ напишал објава на Твитер дека „ќе ги запали и убие сите“.
Бојана Јовановиќ, истражувачки репортер и заменик-уредник на КРИК, за SafeJournalists Network изјави дека според нејзиното мислење „причината за таа закана е дефинитивно написот што го објавија денеска за синот на претседателот на државата, Данило Вучиќ дека е менаџер на еден од најбараните млади фудбалери Душан Влаховиќ, иако заканата е напишана под сосема друг напис“.
„Причина за тоа е тврдењето на провладините таблоиди дека ова е напад врз претседателот и неговото семејство. Тоа е дефинитивно последица на лошата атмосфера во општеството која што ја создаваат владата и нејзините медиуми“, рече таа.
Претседателот на Независното здружение на новинари на Србија, Жељко Бодрожиќ, рече дека ваквите закани се последица на арогантното и бесно однесување на властите кон медиумите.
„Истражувачките новинари во Србија се мета на секакви бесни луѓе кои од високите државни функционери слушаат дека новинарите се предавници. Оваа закана мора да се санкционира, но и светот треба да биде свесен за проблемите со кои се соочува новинарската професија во Србија“, рече тој.
КРИК и нивните новинари многу често се мета на закани, навреди но и на кривични дела како што е кражбата. Три жени новинари од КРИК беа жртви на кражба, но сите три случаи се сѐ уште во предистражна постапка.
Нашата мрежа веќе подолго време предупредува дека против овој медиум се води опасна кампања предводена од провладините таблоиди, а понекогаш и поддржана од пратеници во српското Собрание и високи државни функционери. Исто така, забележуваме дека институциите не реагираат доволно ефикасно на оркестрираните напади врз овој медиум.
Мрежата ,,SafeJournalists”, која претставува повеќе од 8.200 медиумски професионалци од Западен Балкан, се придружува на нејзината членка IJAS во осудата на оваа смртна закана. Бараме од српската полиција и обвинителство да го гонат лицето зад заканата што е можно поскоро.
Мрежата ,,SafeJournalists” која претставува повеќе од 8.200 медиумски професионалци во Западен Балкан, дава подршка на својот член и ја осудува оваа смртна закана.
Бараме од српската полиција и обвинителство што поскоро кривично да го гонат лицето кое се заканува.
Мрежата ,,SafeJournalists” ќе ги информира сите релевантни домашни и меѓународни актери за овој случај.
Секој напад врз новинари е напад врз јавниот интерес, демократијата и правата на сите граѓани.
Скопје – Белград – Подгорица – Приштина – Сараево – Загреб, 01.12.2021
Здружение на новинари на Косово
Здружение на новинари на Македонија
Здружението на новинари на БХ
Хрватското здружение на новинари
Независното здружение на новинари на Србија
Синдикатот на медиуми на Црна Гора
