SJ: Zyrtarët e lartë të ndalojnë sulmet dhe etiketimin e gazetarëve dhe mediave në Kosovë dhe Kroaci

    0
    34

    Më 8 shkurt Prindon Sadriu, bashkëshorti i presidentit të Kosovës, i cili është edhe diplomat i rangut të lartë në Ministrinë e Punëve të Jashtme, përdori gjuhë të papranueshme ndaj gazetarëve dhe mediave në Kosovë, duke i cilësuar ata si “ndërmarrje të përbashkët kriminale”. Ai shkroi: “Kur përfaqësuesit e Ndërmarrjeve të Përbashkëta kriminale, ‘gazetarët’ e parapolitikës, e persona të përfshirë në reket e në keqpërdorime milionëshe, moralizojnë. Janë këta moralizues e shpifës të cilët paguanin një natë akomodim me Nju Jork $1.200 në Hotel Interconntinental Manhattan, e mëngjesin e paguanin $50 për person (drekat e darkat iu shkonin deri ne mijëra dollarë)”, ka shkruar Sadriu, të martën vonë. Gjithashtu, së fundmi, gjuha e zëdhënësve të tjerë të partisë në pushtet ndaj gazetarëve është e papranueshme dhe presion i drejtpërdrejtë në punën e tyre.

     

    Në Kroaci më 6 shkurt, pas artikullit “Puljak dhe Ivosevic në aksionin e pyllëzimit të paligjshëm dhe përhapjen e të pavërtetave: Qyteti pretendon se kjo pemë është mbjellë para 30 vitesh, dhe faqja e vjetër e Bojanit në FB i mohon ata” u publikua në “Slobodna”. Dalmacija”, nënkryetari i komunës së Splitit, Bojan Ivosheviq, ka kontaktuar me telefon me Nikolina Luliq, redaktore dhe gazetare të rubrikës City të këtij portali dhe e ka sulmuar në mënyrë të vrazhdë verbalisht. Sipas tyre, Ivosheviq i ka thënë ndër të tjera: “Do të pi gjakun tënd”.

    Dragan Sekulovski, Drejtor i Rrjetit SafeJournalists deklaroi se politikanët dhe zyrtarët e autoriteteve duhet të tolerojnë një shkallë më të lartë të kritikës publike, ku shtoi: “Ata duhet të shmangin narrativat e deklaratave publike që mund të nxisin intolerancën ndaj kujtdo, veçanërisht ndaj gazetarëve. Kur nënkuptohet dhunë ose sulme ndaj gazetarëve në deklaratat e tyre, në fakt mund të rezultojë në dëmtimin e gazetarëve. Nëse kjo ndodh, politikanët dhe zyrtarët e tjerë do të jenë personalisht përgjegjës për krime të tilla.”

     

    Rrjeti SafeJournalists, që përfaqëson më shumë se 8,200 profesionistë të medias në Ballkanin Perëndimor, solidarizohet me kolegët nga Kosova dhe Kroacia dhe dënon sjellje të tilla nga zyrtarë të lartë. Kërkojmë nga institucionet në Kosovë dhe Kroaci që të distancohen nga ato deklarata dhe kjo narrativë. Gjithashtu, kërkojmë nga zyrtarët e lartë që të përmbahen nga sulmet dhe etiketimet ndaj gazetarëve dhe mediave. Institucionet dhe zyrtarët shtetërorë duhet të mbështesin lirinë e fjalës dhe të mbrojnë gazetarët, jo t’i etiketojnë dhe sulmojnë.

    Rrjeti SafeJournalists do të informojë të gjithë akterët relevant kombëtar dhe ndërkombëtar për këtë rast.

    Çdo sulm ndaj gazetarëve është sulm ndaj interesit publik, demokracisë dhe të drejtave të të gjithë qytetarëve.

    Shkup – Beograd – Podgoricë – Prishtinë – Sarajevë – Zagreb, 10 shkurt 2022

    Asociacioni i Gazetarëve të Kosovës

    Asociacioni i Gazetarëve të Maqedonisë

    Asociacioni i Gazetarëve BH

    Asociacioni i Gazetarëve Kroatë

    Asociacioni i Pavarur i Gazetarëve të Serbisë

    Sindikata e Mediave të Malit të Zi