Sulme ndaj gazetares Ardiana Thaçi Mehmeti, Prishtinë, 07.05.2024

Translations: English 

• Informacioni i rastit

• Informacione Personale

• Qendra rajonale

  Prishtinë
• Gjinia

  Femër
• Emri i viktimës

  Ardiana Thaçi Mehmeti

• Media

• Emri i medias

  Klan Kosova
• Lloji i platformës mediatike

  Radio
  
• Burimi i informacionit për ngjarjen

  Kiks Kosova

• Të dhënat e incidentit

• Data e incidentit

  07.05.2024
• Qyteti

  Prishtine
• Autori(t)

  E paditur
• Sulmuar nga

  qytetarë (të zakonshëm).
  
• Lloji i incidentit

  Sulmet aktuale ndaj gazetarëve

• Veprimet e autoriteteve

• Aksioni i marrë nga shoqata e gazetarëve

• A ishte shoqata e gazetarëve të informuar drejtpërdrejt nga gazetarët?

  po

Asociacioni i Gazetarëve të Kosovës me shqetësim të thellë po i përcjellë raportimet e Kiks Kosova për shpërndarjen e numrit personal të gazetares, Ardiana Thaçi Mehmeti, në grupin Albkings.

Në emisionin e fundit të Kiks Kosova, i cili i është dedikuar ekskluzivisht shqetësimit të vazhdueshëm që i është bërë gazetares Thaçi Mehmeti nga dhjetëra burra që janë pjesë e këtij grupi, bëhet e ditur se numri i është shpërndarë qëllimisht në shenjë hakmarrjeje për raportimet e mëparshme të saja lidhur me Albkings.

Gazetarja ka pranuar telefonata e mesazhe të shumta nga pjesëtarë të atij grupi, jo vetëm në numrin personal, por edhe në llogaritë e saja në rrjetet sociale.

Publikimi i numrit personal të gazetares Thaçi Mehmeti në shenjë hakmarrjeje nga Albkings, jo vetëm që e rrezikon sigurinë e saj personale, por edhe shërben si tentim për ta frikësuar dhe heshtur atë.

Asociacioni i Gazetarëve të Kosovës e dënon shpërndarjen e numrit, si dhe mesazhet e telefonatat denigruese që ka pranuar ditëve të fundit gazetarja Thaçi Mehmeti, me qëllim të dëmtimit të reputacionit të saj.

AGK-ja, i bën thirrje Policisë së Kosovës dhe Prokurorisë, që urgjentisht të ndërmarrin hapat e nevojshëm lidhur me rastin e paraqitur nga kolegia Thaçi Mehmeti, në mënyrë që personi/at që e kanë shpërndarë numrin, dhe ata të cilët e kanë kontaktuar atë, të përballen me ligjin.