Siguria e gazetarëve mbetet një shtyllë themelore e një demokracie funksionale dhe një prioritet kyç në procesin e anëtarësimit të Shqipërisë në BE. Më 9 qershor 2025, në Tiranë, do të zhvillohet tryeza e rrumbullakët me titullin: “Përparimi i Sigurisë dhe Mbrojtjes së Gazetarëve — Ndarja e Praktikave më të Mira dhe Përballimi i Sfidave të Vazhdueshme”. Ky event ka për qëllim të nxisë dialogun, bashkëpunimin dhe rekomandime konkrete për forcimin e lirisë së medias dhe mbrojtjes së gazetarëve në vend.
Tryeza organizohet në kuadër të projektit “PRO-FREX”, pjesë e programit të përbashkët të Bashkimit Evropian dhe Këshillit të Evropës “Instrumenti Horizontal për Ballkanin Perëndimor dhe Turqinë – Faza III”, në bashkëpunim me SCiDEV dhe ResPublica. Ngjarja plotëson përpjekjet e Platformës së Dialogut për Median të BE/KE, e cila mbështet reforma afatgjata në fushën e lirisë së medias dhe përfshin një grup pune të dedikuar për sigurinë e gazetarëve.
Gjatë tryezës do të paraqiten gjetjet e Indeksit të Sigurisë së Gazetarëve në Shqipëri 2024, së bashku me një vlerësim të progresit në përmbushjen e angazhimeve qeveritare të përcaktuara në Udhërrëfyesin për Sundimin e Ligjit, të kryer nga SCiDEV në bashkëpunim me BIRN Albania në kuadër të projektit “Forcimi i Lirisë së Medias, Profesionalizmit dhe Sigurisë së Gazetarëve në Shqipëri”, i financuar nga Bashkimi Evropian, do të informojnë gjithashtu diskutimin.
Kemi kënaqësinë të njoftojmë se Tamara Filipoviç Stevanoviç, Koordinatore e Rrjetit SafeJournalists në Ballkanin Perëndimor, do të jetë folësja kryesore në këtë ngjarje.
Tryeza synon të shndërrojë kërkimin dhe dialogun në hapa konkretë, duke ndihmuar në përputhjen e Shqipërisë me standardet e BE-së dhe Këshillit të Evropës për lirinë e shprehjes dhe sigurinë e profesionistëve të medias.
Për më shumë detaje rreth eventit, gjeni agjendën e plotë këtu: Shqip & Anglisht.