Клубот на оратори FORUM ORATORES кој функционира во рамките на Правниот факултет во Скопје, на 9ти мај го одржа настанот „Јавно говорење, сценски настап и медиумска писменост“, чија мисија е поттикнување на реторичка и медиумска култура кај младите.
На тема – медиумска писменост говореше Билјана Настеска – Каланоска од Здружението на новинарите на Македонија. Обуката се реализираше преку интерактивни предавања, дискусии и практични активности, каде учесниците имаа можност да се запознаат со јавниот говор како суштинска алатка за комуникација во општеството, како и со основите на македонскиот стандарден јазик, правилниот изговор, сценскиот настап, правописот и реторичката вештина.
На настанот, покрај Настеска-Каланоска, пред студентите зборуваа проф. м-р Митра Мими Спасова и актерката Изабела Јакимова.