EFJ adoptoi një rezolutë që thirr për hetimet ndaj gazetarëve të vrarë në Kosovë

logo_ifj__efj_93924ca5b8


PRISHTINË, 07.06.2018 – Federata Europiane e Gazetarëve ka adoptuar një rezolutë të enjten e cila bënë thirrje për hetime ndaj vrasjeve dhe zhdukjeve të gazetarëve ndërmjet viteve 1998 dhe 2005.

Rezoluta kaloi në takimin vjetor të EFJ-së në Lisbonë dhe ishte propozim i asociacioneve të gazetarëve në Serbi dhe Kosovë.

Njëra nga pikat e rezolutës ishte thirrje për zgjerim të mandatit të Dhomave të Specializuara të Kosovës dhe Zyres së Prokurorit që të përfshijnë rastet e gazetarëve të vrarë dhe të zhdukur.

Po ashtu, rezoluta kërkon bashkëpunimin e prokurorive në Prishtinë dhe Beograd në rastet e vrasjeve të gazetarëve dhe punëtorëve tjerë medial që kanë ndodhurnë periudhën 1998 dhe 2005.

Rezoluta i bënë thirrje po ashtu Organizatës së Kombeve të Bashkuara dhe misionit të BE-së në Kosovës, EULEX, që të zbatojnë vendimet e Këshillit për të Drejtat e Njeriut të OKB-së, e cila I ka bërë thirrje për zgjidhje të këtyre rasteve dhe kompensimin e familjeve të viktimave.

Po ashtu, kërkohet që të krijohet një komision në Prishtinë, i ngjajshëm si me atë në Beograd, që do të përbëhet nga gazetarët, për të hulumtuar rastet e gazetarëve.


Association of Journalists of Kosovo, Pristina, 07/06/2018