Регионалната платформа за Западен Балкан за застапување на слободата на медиумите и безбедноста на новинарите, која застапува повеќе од 7800 членови, најостро ги осудува смртните закани насочени кон порталот Maglocistac. Мрежата ги повикува државните органи на Република Србија да преземат соодветни чекори за идентификација на авторите на овие опасни закани и соодветно да ги санкционираат.

Коментарите објавени под написот на порталот Maglocistac кој е со седиште во Суботица, содржат експлицитни закани за членовите на редакцијата – дека тие ќе бидат “заклани како зајаци” и дека нивните “крајници ќе бидат уништени од чизми”. Причината за заканите беше статијата „Ние сме сите Госа работници, а сите владетели се Лабани” објавена на 4 септември, каде се известува за смртни закани од градоначалникот на Суботица Богдан Лабан, насочени кон еден од неговите колеги во партијата.

„Заштитата на новинарите во Србија е неефикасна и бројот на закани, особено преку социјалните мрежи, се зголемува константно. Се повеќе и повеќе поединци дејствуваат сами или им е наложено да испраќаат ужасни закани за новинарите само затоа што ја вршат својата работа. За жал, новиот механизам за заштита воспоставен на крајот од 2016 година од страна на полицијата, обвинителството и новинарите и медиумските организации не постигна никакви резултати “, рече Светозар Раковиќ, Генерален секретар на Здружението на независни новинари на Србија и додаде: „Со тоа што јавно не ги осудуваат нападите врз новинарите и медиумите, јавните службеници тивко ја поддржуваат политиката на неказнување и како такви немаат право да зборуваат за слободата и демократијата на европскиот пат на Србија “.

Регионалната платформа го поддржува НУНС и ги повикува српските институции да ги спроведат меѓународните стандарди за заштита на новинарите, нивната безбедност и слободата на изразување кои се вградени во националното законодавство. Ова ќе обезбеди слободни и безбедни работни услови за новинарите и медиумите.

Од почетокот на годината НУНС има евидентирано 22 случаи на напади и закани врз новинарите во Србија, вклучувајќи го тука и последниот инцидент.

Регионалната Платформа силно ги поддржува новинарските и медиумските организации во напорите за заштита на новинарите и слободата на изразувањето. Според неа секој напад врз новинарите претставува напад на јавниот интерес, демократијата и правата на сите граѓани.

Skopje – Belgrade – Podgorica – Pristina – Sarajevo – Zagreb

BH Journalists Association

rade Union of Media of Montenegro

Croatian Journalists’ Association

Association of Journalists of Kosovo

Association of Journalists of Macedonia

Independent Journalists Association of Serbia

СКОПЈЕ 06.09.2017 – Здружението на новинарите на Македонија ја поздравува одлуката на Владата за обезбедување на бесплатен пристап на новинарите до документите од Централен регистар и Агенцијата за катастар на недвижностите.

СКОПЈЕ 24.08.2017 – Здружението на новинарите на Македонија ја поздравува одлуката на Владата трајно да ги укине владините реклами во сите медиуми со што ќе се прекине коруптивната врска меѓу власта и медиумите.

Укинувањето на рекламите ќе ги ослободи медиумите од финансиската зависност од владата, која во изминатиот период стана еден од најголемите огласувачи во медиумите. Со тоа, таа ги претвори медиумите во пропагандна машинерија и спречуваше било каква јавна критика.

Веруваме дека без владини реклами ќе се воспостави нормален медиумски пазар, кој ќе обезбеди поголема финансиска и професионална слобода на медиумите. Иднината на медиумите треба единствено да зависи од подобрувањето на квалитетот на новинарската содржина,  со што ќе се врати довербата на граѓаните и огласувачите.

Во однос на најавите дека во иднина целата комуникација со граѓаните ќе оди преку јавниот радиодифузен сервис, потенцираме дека Владата треба да биде транспарента кон сите медиуми, а не само кон МРТ. Обврска на владата е да ги прави достапни сите информации од јавен карактер, а од МРТ и приватните медиуми зависи на кој начин тие ќе бидат презентирани. Уредувачка независност на медиумите треба да биде почитувана.

СКОПЈЕ 23.08.2017 – „Социо-економската положба на новинарите во Источна Македонија“ е најновата анализа на Здружението Младински клуб – Штип, подготвена од новинарите Тони Михаилов, Игор Стојанов и Иван Бојаџиски, во рамките на проeктот „Мрежа на новинари за медиумските слободи“ на Здружението на новинарите на Македонија, поддржан од Европската Унија.

Во анализата се опфатени околу 60 новинари од Источниот регион, со цел да се дознае состојбата во која работат и живеат новинарите. Истражувањето се фокусира на почитувањето на работните правата на новинарите во медиумите во Источна Македонија.

Истражувачките стории покажуваат дека новинарите во Источна Македонија работат за минимални плати, без можности за годишен одмор, без слободни денови во текот на неделата и дека во најголем дел од медиумите не се почитува законот за работни односи.

Бројките кои произлегоа од анализата се фрапантни. Дури 80% од новинарите земаат пониска плата од просечната плата во Р. Македонија, речиси 75% од испитаните новинари би ја замениле новинарската професија со друга. Македонската телевизија нема ниту еден ангажиран дописник новинар во целиот источен регион, додека Македонското радио има само тројца дописници.

Дел од истражувањето опфати и аспекти на новинарите и невладиниот сектор, односно што може граѓанскиот сектор да направи во насока на подобрување на состојбите со медиумите и новинарите и обратно – како новинарите можат да го поддржат и подобрат цивилниот сектор во земјата.

Целото истражување можете да го погледнете во прилог: Социо-економската положба на новинарите во Источна Македонија

СКОПЈЕ 08.09.2017 – Медиумската положба на Балканот се повеќе се влошува, смета Дуња Мијатовиќ, поранешната претставничка на ОБСЕ за слободата на медиумите. Таа за „Слободна Европа” изјави дека тоа е “резултат на војните и општествата во транзиција”.

“Сепак за тоа стои неподготвеноста на политичарите и од оние кои ја имаат моќта да излезат од под контрола и имаат влијание во медиумите”, истакна таа. “За жал, сите велат дека се демократи. Но во пракса се однесуваат како земји каде што нема медиумски плурализам “, истакна Мијатовиќ. Според зборовите, виновни за тоа не се новинарите, иако не им достигнува солидарност и плурализам.

“Има проблем со економијата поради недостигот на пари. Многу е мал пазарниот колач, кој  треба да се подели меѓу многу медиуми. Недостига и едукација, смета Мијатовиќ. Таа тврди дека во глобален план медиумската ситуацијата е многу проблематична. “Проблем не се само лажните вести, туку и намерата и избликот медиумите да бидат ставени под контрола многу повеќе од порано”, категорична е Дуња Мијатовиќ.

Извор: www.lokalno.mk