| Shteti | AL |
| Emri dhe mbiemri | Odeta Gjevori |
| Gjini | Female |
| Data | 30/05/2024 |
| Qyteti | Fier |
| Lloj i incidentit | |
| Emri i Medias | Klan TV |
| Burimi | https://www.youtube.com/watch?v=tAp2tyZwagA |
| Përfundimi ligjor | Në vazhdim (rasti nuk është mbyllur) |
| A është njoftuar asociacioni i gazetarëve? | Po |
Kërcënimet e noteres Anila Haxhiu ndaj gazetares së emisionit “Stop” Odeta Gjevori janë alarmante për sigurinë e gazetarëve në Shqipëri.
Mbrëmjen e djeshme programi STOP, një emision investigativ ku Odeta Gjevori punon si gazetare, shfaqi disa regjistrime nga seanca gjyqesore mes Noteres Anila Haxhiu e paditur dhe gazetares Gjevori, paditëse. Noterja Haxhiu duket qartë se përdor një gjuhë kërcenuese dhe denigruese ndaj gazetares Gjevori.
Është e papranueshme që një funksionare publike të ketë një qasje të tillë ndaj medias, veçanërisht pa asnjë reflektim nga noterja, e cila më parë ishte paditur nga gazetarja pasi gjatë ushtrimit të detyrës u dhunua nga noterja. Gjuha kërcënuese ndaj gazetares, “o unë, o ti në këtë botë,” është përdorur në sallën e gjykatës, në prani të prokurores së çështjes dhe avokates së të paditurës. Lexo rastin ketu.
Mungesa e reagimit institucional vetëm sa inkurajon më shumë akte vandalizmi ndaj gazetarëve.
Rrjeti Safe Journalist shpreh solidaritet dhe mbështetje të plotë për kolegen tonë Odeta Gjevori dhe i bën thirrje organeve të drejtësisë të veprojnë pa vonesa dhe me efikasitet në të gjitha rastet kur punonjësit e medias denoncojnë kërcënime ndaj sigurisë së tyre. Mbi rastin ka reaguar dhe Asocacioni i Gazetarëve të Shqipërisë.
