U mbajt takimi i parë i Bordit të ri të AGK-së

0
116

Është mbajtur sot për herë të parë takimi i Bordit të ri të Asociacionit të Gazetarëve të Kosovës, ku kanë marrë pjesë 8 nga 9 anëtarët e Bordit.

Në këtë takim u diskutua për punën, projektet dhe angazhimin e deritashëm të organizatës, në një raportim nga ish-kryetarja e Bordit, Gentiana Begolli – Pustina. Më pas, anëtarët e Bordit diskutuan projekte e ide të reja, të cilat do të shërbejnë për promovimin e mëtutjeshëm të punës së gazetarëve dhe përmirësimin e ambientit të tyre të punës.

Bordi i ri i AGK-së, në krye me gazetarin Xhemajl Rexha, u votuan më 19 korrik, në Kuvendin e AGK-së, ku morën pjesë 320 anëtarë.