БРИСЕЛ, 23.02.2018 Европската федерација на новинари (ЕФЈ) го поздрави писмото испратено до Франс Тимерман, потпретседател на Европската Kомисија, испратено од страна на шесте членови на Европскиот Парламент (ЕП) на 19 февруари 2018 година, со кое се повикува на воведување нова директива на ЕУ (СЛАПП) која ги адресира Стратешките тужби против јавно настапување насочено кон новинарите.
Писмото го потпишаа следните европарламентарци: Дејвид Каса (Европската народна партија), Ана Гомес (Социјалисти и демократи), Моника Маковеи (Европски конзервативци и реформисти), Маите Пагазауртундуа (Сојуз на либерали и демократи), Стелиос Кулоглу (Европската обединета левица) и Бенедек Јавор (Зелените).
Предложената директива на ЕУ против СЛАПП ќе има за цел да ги заштити новинарите од тешки, навредливи тужби и други форми на правни закани од страна на компаниите и владите. Таа ќе вклучува:
- Можноста истражувачките новинари и независните медиуми да побараат брзо отфрлање на напорните судски постапки во ЕУ и да имаат право да побараат компензација;
- Употреба на парични казни на фирми кои се користат со ваквите практики на прибегнување кон јурисдикција надвор од земјите на ЕУ;
- Создавање на СЛАПП фондови за поддршка на истражувачко новинарство и независни медиуми кои се определуваат да им одолеат на злонамерните обиди за нивно замолчување и да им помогнат во обновата на фондовите кои се намалиле поради нив;
- Креирање на ЕУ регистар каде ќе се бележат фирмите кои се користат со овие лоши практики.
„Оваа практика е насилна, претставува закана за слободата на медиумите и за неа нема место во Европската Унија“, истакнаа Европарламентарците во своето писмо. Тие ја нагласија својата загриженост за импактот на СЛАПП во Малта, каде новинарката Дафне Каруана Галиција беше убиена во својот автомобил минатиот октомври. Во времето на нејзиното убиство, таа била тужена од банката Пилатус, финансиска институција од Малта која во нејзините извештаи била често критикувана.
Пратениците во моментов чекаат реакција од Европската Комисија. Дејвид Каса во дневениот весник Times of Malta истакна дека тие би можеле да го обноват повикот за време на пленарната седница на Европскиот Парламент. „Но, по конкретно ние би можеле да искористиме и одреден механизам за самите да ја изготвиме директивата и да ја испратиме до Комисијата за да ја предложи, со одредба од Договорот за функционирање на Европската Унија“, објасни тој. „Она што е сигурно е дека ние сме решени и посветени да притискаме за овој закон се додека е тоа потребно“. Европската федерација на новинари силно ја поддржува оваа иницијатива.
