Советот на Европа евидентира десет нови случаи на напади врз новинари по реакцијата на SafeJournalists мрежата

0
93

Советот на Европа на својата Платформа за заштита на новинарството и безбедноста на новинарите од почетокот на годинава забележа нови 23 напади и кршење на права врз новинари во регионот. Десет од нив беа опфатени по реакцијата на мрежата SafeJournalists.

Последен во низата случаи од регионот е случајот од Србија. Имено, Драгојло Благојевиќ, уредникот на списанието Дрвотехника, добил смртни закани преку телефон по објавувањето на јулскиот број на списанието, во кое е објавен написот на Благојевиќ за дрво-преработувачката индустрија.

Платформата за заштита на новинарството и безбедноста на новинарите го помага дијалогот меѓу владите и новинарските здруженија, со цел да се запре кршењето на слободата на новинарите во земјите-членки на Советот на Европа и да им се овозможи на новинарите да ја вршат својата професија без ризик. Целта на платформата е да се подобри заштитата на новинарите, соодветно да се одговори на заканите и насилството врз медиумските професионалци и да се поттикнат механизмите за рано предупредување и капацитетите за одговор во рамките на Советот на Европа.

Од 2015 година, Платформата го олеснува собирањето и ширењето на информации за сериозни грижа за слободата на медиумите и безбедноста на новинарите во земјите-членки на Советот на Европа, што е загарантирана со чл. 10 од Европската конвенција за човекови права. Платформата, исто така, му овозможува на Советот на Европа на посистематски начин да се алармира за ситуацијата во однос на слободата на медиумите во земјите-членки и да преземе навремени и координирани активности доколку е потребно.

Потсетуваме дека мрежата SafeJournalists реагира во случаи на закани по животот и телото на новинарите, физички напади, убиства на новинари, како и во исклучителни ситуации кога сите членови на мрежата се согласуваат дека е неопходна заедничка реакција. Мрежата ги информира сите релевантни европски институции и институции во земјите членки на мрежата за случаите кои се однесуваат на правата и слободите на медиумите.

Платформата SafeJournalists се состои од новинарски здруженија и медиумски синдикати од земјите од Западен Балкан, имено Независно здружение на новинари на Србија (IJAS), Здружение на новинари од БиХ (BHJ), Здружение на новинари на Хрватска (CJA), Здружение на новинари на Косово (AJK), Здружението на новинарите на Македонија (ЗНМ) и Синдикатот на медиуми на Црна Гора (ТУММ).

 

Сите случаи пронајдени на платформата по предупредувањето од мрежата SafeJournalists:

https://fom.coe.int/en/alerte/detail/107637504;globalSearch=false

https://fom.coe.int/en/alerte/detail/107637047;globalSearch=false

https://fom.coe.int/en/alerte/detail/107637704;globalSearch=false

https://fom.coe.int/en/alerte/detail/107637566;globalSearch=false

https://fom.coe.int/en/alerte/detail/107637182;globalSearch=false

https://fom.coe.int/en/alerte/detail/107637517;globalSearch=false

https://fom.coe.int/en/alerte/detail/107637171;globalSearch=false

https://fom.coe.int/en/alerte/detail/107637349;globalSearch=false

https://fom.coe.int/en/alerte/detail/107637458;globalSearch=false

https://fom.coe.int/en/alerte/detail/107637797;globalSearch=false

 

 

Извор: SafeJournalists /Анка Ковачевиќ