| Shteti | AL |
| Emri dhe mbiemri | Ambrozia Meta |
| Gjini | Female |
| Data | 19/03/2024 |
| Qyteti | |
| Lloj i incidentit | |
| Emri i Medias | SyriTV |
| Burimi | https://www.syri.net/politike/673182/dhuna-e-rames-ndaj-gazetares-ambrozia-meta-te-syri-tv-berisha-akt-i-shemtuar-prej-gangsteri/ |
| Përfundimi ligjor | Në vazhdim (rasti nuk është mbyllur) |
| A është njoftuar asociacioni i gazetarëve? | Po |
Më 19 mars 2024, pas një takimi me drejtuesit politikë të rretheve në selinë e Partisë Socialiste, kryeministri Rama mbajti një konferencë të improvizuar për shtyp. Gjatë kësaj ngjarje, ai u mor në pyetje për një projekt investimi në zonën e Sazanit dhe Zvërnecit, i lidhur me Jared Kushner, dhëndrin e ish-presidentit Donald Trump. Ambrozia Meta kërkoi përgjigje për përfitimet e projektit për shqiptarët, procedurat e kontraktimit, ekzistencën e një studimi fizibiliteti dhe nëse do të zbatoheshin zbritje tatimore të ngjashme me ato për investimin në Portin e Durrësit. Refuzimi i Kryeministrit për t’iu përgjigjur këtyre pyetjeve me interes publik, i ndjekur nga komenti i tij nënçmues – “injoranca nuk është argument” – dhe kontakti fizik duke tentuar t’i prekte faqen, është i papranueshëm dhe alarmues.
Kryeministri Rama hodhi poshtë kërkesat për falje publike dhe shkroi në X: “Jo më vjen keq dhe jo vetëm nuk kam asnjë falje për të kërkuar, por hedh poshtë të gjithë karakterizimin e ‘liderit që ka treguar përbuzje ndaj shtypit kritik’, që është thjesht jo e vërtetë sepse ka shumë vite që nuk përfshihem në asnjë lloj debati të ashpër legjitim me asnjë gazetar:-)”.
Pasi u botua në Politico një artikull mbi rastin dhe refuzimin e Ramës për të kërkuar falje, ai këmbënguli ne X se nuk do të kërkonte falje dhe deklaroi se ishte “një gjest krejtësisht i pafajshëm, si për shembull një përkëdhelje miqësore mbi supe pas një bisede normale me shtypin, ku të gjitha pyetjet u përgjigjën pa asnjë mungesë durimi”.
Më pas, më 21 mars, gjatë një interviste live, kryeministri Edi Rama tha: “Nuk kërkoj falje për aktin ndaj gazetares”. Rama e quajti Ambrozia Metën si një “aktore” dhe “misionare të telekomanduar”.
Ky incident është pjesë e një modeli shqetësues ku kryeministri Rama ka shfaqur përbuzje ndaj gazetarëve, veçanërisht grave, të cilat paraqesin pyetje sfiduese. Historia e tij e shmangies së pyetjeve, së bashku me veprimet hakmarrëse si ndalimi i gazetarëve nga konferencat për shtyp dhe kërkesa për “riedukim”, nënvizon një mospërfillje të lirisë së medias dhe integritetit gazetaresk (Sulm i mëparshëm për Ambrozia Metën dhe Sulm për Klevin Mukën).
Komuniteti i gazetarëve ka bërë thirrje për protestë në 26 mars para Kryeministrisë.
Reagimi i SNJ për këtë rast si referencë për mbulime të tjera:
https://balkaninsight.com/2024/03/19/albanian-pms-intimidation-of-woman-journalist-condemned/
https://www.politico.eu/article/albania-pm-hits-back-after-being-accused-of-intimidating-female-journalist/
https://citizens-channel.com/2024/03/19/edi-rama-nga-epoka-e-riedukimit-ne-epoken-e-prekjeve-fizike-ndaj-gazetareve/https://fom.coe.int/en/alerte/detail/107640748
