AGK, NDI dhe USAID organizojnë vizitë studimore për pjesëmarrësit e Akademisë së Gazetarëve për Integritetin e Informacionit

By

-

30/05/2022

Asociacioni i Gazetarëve të Kosovës – AGK, me mbështetjen e Institutit Kombëtar Demokratik – NDI dhe USAID në Kosovë, më 27 dhe 28 maj kanë organizuar vizitë studimore në Shkup të Maqedonisë së Veriut në kuadër të Akademisë së Gazetarëve për Integritetin e Informacionit.

Studentë të gazetarisë e gazetarë të mediave lokale dhe qendrore kanë takuar kolegët gazetarë nga Maqedonia e Veriut ku ka kanë shkëmbyer përvojat e tyre për verifikimin e informacioneve, praktikave dhe metodave më efikase për parandalimin e përhapjes së informatave të gabuara, si dhe luftimin e tyre.

Takimi i parë i pjesëmarrësve të akademisë u bë me kolegët e Shoqatës së Gazetarëve të Maqedonisë, ku së bashku me Dragan Sekulovskin – Drejtor Ekzekutiv, Xhemajl Rexha – Kryetar i Bordit të AGK-së, si dhe Adea Beqaj – Zyrtare e Programit në NDI, u diskutua për punën e SHGM-së, si dhe mbrojtjen e të drejtave të gazetarëve në Maqedoninë e Veriut.

Kolegët gazetarë u takuan edhe me menaxhmentin e Fondacionit Metamorfozis dhe një pjesë të kuadrit redaktues të Portalb, Meta dhe Vistinomer, me ç’rast kanë shkëmbyer përvoja për luftimin e dezinformatave dhe verifikimin e lajmeve.

Në takim është biseduar për gjendjen e mediave në të dy vendet, kanë këmbyer përvoja lidhur me punën e gazetarëve, me theks të veçantë për funksionimin e Vistinomer.mk, në pjesën e verifikimit të fakteve dhe luftës me dezinformatat në vend.

Gjithashtu, gazetarët pjesëmarrës në Akademinë e Gazetarëve për Integritetin e Informacionit, u takuan edhe me kolegët e televizionit Alsat M, ku u njoftuan nga afër me studiot, procesin e punës së mediumit, mënyrën se si realizohen intervistat, si dhe sfidat që ata përballen përgjatë ushtrimit të profesionit.

Akademia e Gazetarëve për Integritetin e Informacionit filloi nëntor të vitit 2021 me mbështetjen e dhënë nga NDI dhe USAID, ku përmes të cilës u ofruan një seri e trajnimeve dhe diskutimeve lidhur me integritetin e informacionit, profesionalizmin në gazetari dhe prezencën e dezinformimit, etikën gjatë raportimit me fokus të veçantë në portretizimin e grave në media dhe perspektivën ligjore të gazetarisë dhe mediave.

Mbahen trajnimet e fundit “Zhvillimi i prezencës së mediave lokale në mediat sociale”

By

AJK

-

27/05/2022

0

Nga data 20 deri më 26 maj, në bashkëpunim me Misionin e OSBE-së në Kosovë, përfunduam serinë prej gjashtë sesionesh trajnimi për gjashtë media lokale për të rritur praninë e tyre në mediat sociale dhe për të rritur ndërveprimin e tyre me publikun.

Mbi 25 gazetarë, redaktorë dhe staf marketingu morën pjesë në këtë cikël trajnimesh. RTV Fontana nga Istogu dhe Radio 1 FM nga Peja, ishin dy mediat e fundit të cilët u trajnuan nga Benjamin Kolenović, themelues dhe CEO i Growzillas.

Trajnimet u përqendruan në mënyrat e menaxhimit të përmbajtjes dhe reklamat e mediave dixhitale, si të nxisin publikimin interaktiv dhe dinamik të lajmeve në faqet e internetit dhe mediat sociale dhe si të përdoren Google Analytics, Facebook Pixel, platforma online Canva, etj.

Sehrii Shevchenko dhe Liudmyla Mekh, gazetarët e radhës ukrainas që vijnë në Kosovë

By

AJK

-

22/05/2022

0

Këtë të diel në mëngjes, kanë mbërritur në Kosovë, Liudmyla Mekh dhe Serhii Shevchenko, si pjesë e programit “Journalists in Residence – Kosovo”. Ata janë vendosur në Prishtinë, dhe do të kenë mundësinë që të vazhdojnë punën e tyre si gazetarë nga Kosova.

Gazetarët veteranë kanë punuar në media të ndryshme në Ukrainë, dhe janë pjesë aktive e Unionit Kombëtar të Gazetarëve të Ukrainës (NUJU). Zonja Mekh është themeluese dhe presidente e Fondacionit “Iniciativa e Gazetarëve”, me bazë në kryeqytetin ukrainas, Kiev.

Gazetarët janë pritur në aeroport nga zyrtarja ligjore e ECPMF, Flutura Kusari, kryetari i AGK-së, Xhemajl Rexha dhe përfaqësues të MPB-së.

Programi “Journalists in Residence – Kosovo”, financohet nga Qeveria e Kosovës dhe ofron mjete të qerasë për banesë, pagesë mujore dhe sigurim shëndetësor për 20 gazetarët që pritet të mbërrijnë në Kosovë në javët në vazhdim.

AGK fillon trajnimet “Zhvillimi i prezencës së mediave lokale në mediat sociale”

By

AJK

-

20/05/2022

0

Asociacioni i Gazetarëve të Kosovës, mbështetur nga Misioni i OSBE-së në Kosovë, ka filluar ciklin e trajnimeve në mediat lokale për përdorimin më efikas të rrjeteve sociale dhe marketingun dixhital.

Trajnimet e para janë mbajtur në qytetin e Gjakovës tek Radio Prosperiteti dhe TV Syri Vision, nga ekipi i kompanisë së marketingut dixhital “Growzillas”.

Redaksitë e këtyre mediave janë trajnuar rreth rrjeteve sociale, menaxhimit të përmbajtjes së publikuar dhe reklamave. Ata gjithashtu kanë praktikuar krijimin e Meta Business Manager, zhvillimin e kampanjave, përdorimin e Facebook Page Insights, LinkedIn Insights, Google Analytics, Facebook Pixel, si dhe përdorimin e platformës online Canva.

Trajnimet për zhvillimin e kapaciteteve rreth mediave sociale do të vazhdojnë të mbahen javëve në vazhdim edhe tek mediat lokale të qyteteve tjera në vend.

E papranueshme gjuha kërcënuese e gjyqtarit Bejtullahu ndaj gazetarit Arlind Sadiku

By

AJK

-

04/05/2022

0

Gazetari Arlind Sadiku ka raportuar sot në Asociacionin e Gazetarëve të Kosovës se është kërcënuar nga gjyqtari, Mervan Bejtullahu.

Sipas Sadikut, Bejtullahu e ka kërcënuar haptazi para ndeshjes Gjilani – Drita, duke i thënë se “veç jemi në Gjilan, se t’ishim kanë në Prishtinë, t’kisha kallxu”.

Për AGK-në, një gjuhë dhe sjellje e tillë është e papranueshme dhe e pamundëson raportimin e gazetarit nga vendi i ngjarjes.

AGK-ja gjithashtu kërkon nga Federata e Futbollit e Kosovës – FFK, të marrë masa ndaj gjyqtarit Bejtullahu.

Gazetarët ndajnë përvojat personale e të raportuarit nga zonat e konflikteve

By

AJK

-

04/05/2022

0

Në pjesën e dytë të konferencës për shënimin e Ditës Botërore të Lirisë së Shtypit, është diskutuar për mbrojtjen dhe lirinë e gazetarëve gjatë raportimit nga zonat e konflikteve.

Pjesë e këtij paneli të diskutimit ishin Lyudmila Makey – Gazetare nga Ukraina, Kryetar i Sindikatës Kombëtare të Gazetarëve të Ukrainës, Sergiy Tomilenko, Saranda Ramaj – Gazetare në KTV dhe gazetari nga Shqipëria, Jul Kasapi, të cilët i ndanë me pjesëmarrësit e konferencës përvojat e tyre personale e të raportuarit nga zonat e konflikteve.

Lyudmila Makey – gazetarja ukrainase që tanimë është vendosur për të jetuar e punuar në Kosovë, ka thënë se që nga 24 shkurti i këtij viti i ka ndryshuar jeta rrënjësisht, por që është tejet falënderuese për mundësinë që iu është dhënë për të vazhduar raportimin nga Kosova.

“Që nga 24 shkurti, shumë gazetarë ukrainas kanë mbetur pa punë, pa shtëpi, pa profesion. Unë jam mirënjohëse për këtë ndihmë që më është ofruar nga Shteti i Kosovës për të qëndruar në profesionin e gazetarisë dhe kam nderin që të përfaqësoj Unionin e Gazetarëve të Ukrainës. Kur mbërrita në Prishtinë u ndjeva tejet e lumtur me vëmendjen që mora nga kolegët e mi gazetarë për t’u treguar për përvojën time si gazetare që vij nga Ukraina. Mirëpo, në njërën nga intervistat që më është bërë, një gazetare më ka pyetur se përse duhet t’u besojmë gazetarëve ukrainas, përgjigjen e së cilës dëshiroj ta them këtu. Ju duhet të na besoni neve që kriminelët të mos e thonë të ‘vërtetën’ e tyre.”, ka thënë ndër të tjera Makey.

Përmes një lidhjeje të drejtpërdrejt, konferencës iu është bashkuar edhe Kryetari i Sindikatës Kombëtare të Gazetarëve të Ukrainës, Sergiy Tomilenko, i cili është shprehur falënderues për gatishmërinë e Qeverisë së Kosovës për t’i ndihmuar gazetarët ukrainas.

“Është nder i madh për mua që të marr pjesë në këtë konferencë. Andaj, do të doja të ndaj me ju në pika të shkurtra prioritetet tona si sindikatë. Natyrisht që prioriteti ynë i parë është siguria e gazetarëve, asistimi i kolegëve që janë duke raportuar nga zonat e okupuara të Ukrainës, që deri në këtë moment janë katër regjione të okupuara. Ne tentojmë t’i evakuojmë gazetarët në zona më të sigurta të Ukrainës si dhe jo stabiliteti i mediave ukrainase. Që nga fillimi i luftës e deri më tani janë vrarë 24 punonjës medialë, katër prej të cilëve janë gazetarë”, ka thënë Tomilenko.

Përvojat personale të raportimit nga zonat e konfliktit i kanë ndarë edhe gazetarja Saranda Ramaj dhe gazetari Jul Kasapi.

Ramaj përveç faktit që e ka cilësuar si një përvojë të jashtëzakonshme, ka thënë se synim ka pasë gjithmonë të raportojë nga Ukraina dhe jo kufiri Poloni – Ukrainë.

“Mendoj që ka qenë më shumë punë fati që unë kam arritur të hy në Ukrainë, për shkak të faktit që të gjithë e dimë për raportet Kosovë-Ukrainë, dhe pamundësinë e gazetarëve kosovarë për të raportuar nga kjo zonë e konfliktit. Personalisht, kam menduar gjithmonë që duhet të tentohet të futem në Ukrainë edhe pse dihen rrethanat dhe se sa problematike është edhe mungesa e përvojës sepse unë e konsideroj që jam ende gazetare e re dhe nuk kam pasë përvoja të mëparshme që të raportoj nga zona të konfliktit. Andaj, më shumë kam lexuar se si të raportoj nga këto zona e jo kufiri.”, ka thënë ajo.

Teksa, gazetari Kasapi përveç raportimit nga Ukraina, ka ndarë përvojat e raportimit edhe nga Siria në vitin 2019 nga kampet ku kishte shqiptarë, përvojën e vitit 2021 kur ka raportuar për një front lufte për krimin e organizuar nga Amerika Latine drejt Shqipërisë.

“Duke pasë edhe eksperiencën e Sirisë, dija që do të duhej të atashoheshim pranë ushtrisë. Njihet botërisht se si gazetarët atashohen pranë një forcë ushtarake dhe më pas arrijnë të kryejnë punën e tyre. Në rastin e Ukrainës ishte pak më vështirë, pasi që nuk kishim informatën që do të duhet të kishim akreditim ushtarak, por ashtu siç ndodhë me të gjithë gazetarët edhe unë kam pasë problem me ushtrinë ukrainase sepse kam filmuar një nga post-blloqet hyrëse në qytet dhe supozohej që ishte njëra nga pikat strategjike që nuk duhet të xhirohej, por kjo ndodhi pasi që nuk kishim përvojë që të raportoj në një shtet ku funksionon ligjin e luftës dhe kur flas për ligjin e luftës, aty edhe policia duhet të pyeste ushtrinë se si duhet vepruar”, ka thënë ndër të tjera ai.

Konferenca e sotme është organizuar në bashkëpunim dhe me mbështetjen e dhënë të OSCE Mission in Kosovo dhe UN Kosovo Team.

AGK shënon 3 Majin – Ditën Botërore të Lirisë së Shtypit nën moton “Mediat nuk janë armiku”

By

AJK

-

04/05/2022

0

Asociacioni i Gazetarëve të Kosovës në bashkëpunim dhe me mbështetjen e OSCE Mission in Kosovo dhe UN Kosovo Team, sot ka organizuar konferencë me rastin e shënimit të Ditës Botërore të Lirisë së Shtypit.

Përmes një video-mesazhi u adresua Ambasadori Michael Davenport – Shef i Misionit të OSBE-së në Kosovë, me ç’rast tha se ani pse Kosova vazhdon të shënojë rezultate të larta në rajon sa i përket pluralizmit të mediave, rastet e kërcënimeve dhe sulmeve në drejtim të gazetarëve vazhdojnë të jenë prezente.

“Ne shohim ende shumë raste kërcënimesh apo sulmesh kundër gazetarëve, duke përfshirë 11 incidente që nga fillimi i vitit 2022. Por kjo ditë mbi gjitha është një rast për të festuar punën e profesionistëve të guximshëm të medias në mbarë botën, si dhe rolin e një medie të lirë dhe të pavarur në konsolidimin e demokracisë dhe promovimin e një shoqërie më transparente dhe të hapur. Misioni i OSBE-së do të vazhdojë të mbështesë këtë përpjekje të madhe këtu në Kosovë”, tha ai.

Në pjesën e parë të konferencës u prezantuan gjetjet e raportit “Treguesit e nivelit të lirisë së mediave dhe sigurisë së gazetarëve 2021”, që është hartuar nga hulumtuesja Getoarbë Mulliqi Bojaj.

Gjetjet e këtij raporti u diskutuan në mes të Kryetarit të Bordit të AGK-së, Xhemajl Rexha, Imer Mushkolaj – Drejtor Ekzekutiv i KMShK-së, Yll Zekaj – Ekspert Ligjor i raportit, si dhe Abit Hoxha – Ekspert Nacional i raportit.

Sipas këtyre gjetjeve, gjendja e gazetarëve vazhdon të jetë e rënduar, si nga pandemia ashtu edhe nga ndryshimet politike, numri i sulmeve në drejtim të gazetarëve ka shënuar rritje, ndërsa vihet më në pah tendenca për heshtje të gazetarëve nëpërmjet padive SLAPP. Teksa, si rekomandime të raportit u theksua nevoja që gazetarët t’i raportojnë të gjitha rastet e shkeljes së të drejtave të tyre, rëndësinë e pavarësisë financiare të RTK-së, pavarësinë e përzgjedhjes së bordeve të RTK-së dhe KPM-së, si dhe sa më parë të përfundoj Sistemi i Menaxhimit të të Dhënave nga KGjK.

Gjithashtu, përmes një paneli diskutimi u adresua gjuha denigruese e përdorur në drejtim të gazetarëve dhe ndikimi i saj në besimin në medie. Paneli ishte i përbërë nga Doarsa Kica Xhelili – Kryetare e Komisionit për Administratë Publike, Qeverisje Lokale, Media dhe Zhvillim Rajonal, Leonard Kërquki – Drejtor i Gazetës Express, Rrezarta Delibashzade Krasniqi – Drejtore Ekzekutive në D4D dhe Granit Musliu – Anëtar i Komisionit të Pavarur të Medieve.

Në pjesën e dytë të konferencës aktualisht është duke u diskutuar mbrojtja dhe roli i gazetarëve gjatë raportimit nga zonat e konfliktit.

AGK-ja dënon presionet dhe fyerjet ndaj gazetarit të KOHA-s, Agim Ademi

By

AJK

-

03/05/2022

0

AGK-ja dënon presionet dhe fyerjet ndaj gazetarit të KOHA-s, Agim Ademi

Gazetari i Grupit KOHA, Agim Ademi, ka raportuar sot në AGK një seri reagimesh publike fyese pas një shkrimi për shpenzimet e kryetarit të Shtimes, Qemajl Aliu.

Ademi është quajtur nga zyrtari i lartë i Lëvizjes Vetëvendosjes në Shtime, Halil Kurteshi “argat i Klanit Pronto”.

AGK-ja e konsideron këtë gjuhë të papranueshme dhe që rrezikon direkt sigurinë e gazetarit Ademi.

AGK-ja e fton kryetarin Aliu që të distancohet nga presionet që po i bëhen gazetarit pas raportimeve të tij, që janë bazuar në dokumente që sigurohen me kërkesën në qasje në dokumente publike.

Reporterët Pa Kufij: Kosova shënon përparim, por mbetet tek “vendet problematike” për lirinë e medias

By

AJK

-

03/05/2022

0

Organizata Reporterët Pa Kufij ka publikuar sot Indeksin e Lirisë së Shtypit Botëror, që e rendit Kosovën në vendin e 61-të, për dallim prej vitit të kaluar që ishte në pozitën e 78-të.

Derisa ky është një zhvillim i mirëseardhur, Kosova vazhon të mbetet në kategorinë e “vendeve problematike”, sipas kësaj organizate.

Raporti e konsideron skenën mediale të Kosovës si diverse, dhe lavdëron procesin e përzgjedhjes së Bordit të RTK-së nga Kuvendi i Kosovës, vitin e kaluar. Por, raporti liston një sërë shqetësimesh.

“Edhe pse profesioni i gazetarit gëzon respekt në shoqëri, mediat e pavarura dhe gazetarët investigativë janë shpesh viktima të fyerjeve dhe lajmeve të rrejshme në mediat sociale, dhe shpesh akuzohen në mënyrë të padrejtë si ‘bashkëpunëtorë të armikut’. Kjo retorikë përdoret nga grupet politike dhe religjioze”, thuhet në raport.

Raporti gjithashtu kritikon kufizimin e qasjes së gazetarëve në dokumente publike.

“Gazetarët po targetohen së fundi me shumë padi SLAPP që inicohen nga grupe të biznesit dhe politikanë. Për më tepër, qasja në informacionin publik vëshitrësohet nga disfunksionalizimi i Agjecnisë për Informata dhe Privatësi. Ligji për Autorësinë nuk aplikohet në praktikë”, nënvizon raporti.

Një pjesë e raportit u referohet vështirësive financiare të mediave, sidomos atyre të komuniteteve pakicë.

Safejournalists.net