This project is funded by
the European Union
AGK dënon sulmin ndaj ekipit të Evropës së Lirë
Gazetarët kosovarë vazhdojnë të mbesin të rrezikuar në veri
Asociacioni i Gazetarëve të Kosovës është i alarmuar me faktin që gazetarët kosovarë që po raportojnë nga veriu vazhdojnë të jenë të rrezikuar.
Kolegët tanë po sulmohen vazhdimisht nga protestuesit lokalë, që po gjuajnë mjete të ndryshme në drejtim të tyre.
Ftojmë edhe njëherë autoritetet relevante të sigurisë që të mundësojnë raportimin dhe kryerjen e punës nga ana e gazetarëve në një ambient të sigurt.
Gazetarët shqiptarë e serbë sulmohen në veri
AGK-ja shpreh shqetësim për ambientin e rëndë dhe të pasigurt të punës për gazetarët gjatë ditës së sotme në komunat veriore të Kosovës.
Sipas raporteve, janë sulmuar disa gazetarë të mediave të ndryshme shqiptare në “Lagjen e Boshnjakëve” në Mitrovicën e Veriut dhe një tjetër incident ka ndodhur rrugës për në Leposaviq ku protestuesit kanë ndjekur nga pas veturat me gazetarë.
Ndërkohë, sulme dhe presione ka pasur edhe ndaj gazetarëve të portalit lokal “Kossev”, nga protestuesit. Si pasojë, redaksia i ka tërhequr ekipet e saj nga terreni.
AGK-ja fton Policinë e Kosovës që të ofrojë siguri për gazetarët që të kryejnë punën e tyre në formë të papenguar.
AGK e shqetësuar me kërcënimet ndaj gazetarëve të Sinjalit
Asociacioni i Gazetarëve të Kosovës është thellësisht i shqetësuar për kërcënimet që janë bërë në drejtim të kolegëve të Gazetës Sinjali.
Gazetarët e këtij mediumi janë kërcënuar dhe ofenduar nga familjarë të personave që u arrestuan gjatë ditës së djeshme nën dyshimin se kanë përgatitur vepra terroriste.
Për AGK-në, është tejet shqetësuese dhe tërësisht e papranueshme që gazetarët vazhdojnë të jenë cak i kërcënimeve të tilla. Andaj, ftojmë organet kompetente që sa më parë të marrin në mbrojtje gazetarët dhe këtë medium për të parandaluar ndonjë incident eventual.
Vlerësojmë se qasja e tillë rrezikon rëndë lirinë e shprehjes dhe klimën e të bërit gazetari. Njëherësh, u bëjmë thirrje kolegëve që rastet e kërcënimeve t’i raportojnë në Policinë e Kosovës.
Kryetari i Bordit të AGK-së, Xhemajl Rexha merr pjesë në takimin vjetor të Federatës Evropiane të Gazetarëve- EFJ
Në takimin vjetor të Federatës Evropiane të Gazetarëve – EFJ, që po mbahet në Zagreb të Kroacisë, Asociacionin e Gazetarëve të Kosovës – AGK, e ka përfaqësuar kryetari i Bordit, Xhemajl Rexha.
Rexha ka qenë panelist në diskutimin “Gazetarët nën presion në Ballkanin Perëndimor”, ku e ka paraqitur Indeksin e fundit të sigurisë për gazetarët në Kosovë, i cili u përpilua nga AGK në kuadër të platformës rajonale Safe Journalists.
Ai gjithashtu ka folur për gjendjen e përgjithshme të lirisë së medias në Kosovë, efektet e pandemisë COVID-19 në punën dhe mirëqenien e gazetarëve kosovarë, si dhe nevojën për monitorim dhe transparencë në procesin e rëndësishëm për zgjedhjen e Bordit të ri të transmetuesit publik, RTK dhe zgjedhjen e anëtarëve të rinj të KPM-së.
Bordi i AGK-së diskuton planet dhe projektet për tremujorin e fundit të këtij viti
Bordi i Asociacionit të Gazetarëve të Kosovës – AGK, sot mbajti mbledhjen e radhës, ku prezent fillimisht ishin 7 nga 9 anëtarët.
Kryetari i Bordit, Xhemajl Rexha, i njoftoi anëtarët më në detaje për takimet e zhvilluara me ambasadorë të organizatave ndërkombëtare në Kosovë, memorandumet e nënshkruara me Kolegjin AAB dhe forumZFD.
Në takim u diskutua për aktivitetet që parashihen të zbatohen në muajt në vazhdim, si dhe u ngrit nevoja që gazetarët, kameramanët dhe fotoreporterët të kenë një akreditim të vetëm institucional, për të kryer më lehtë detyrat e tyre.
AGK dhe forumZFD-Programi në Kosovë nënshkruajnë Memorandum Bashkëpunimi
Asociacioni i Gazetarëve të Kosovës – AGK dhe forumZFD- Programi në Kosovë sot kanë nënshkruar Memorandum Bashkëpunimi.
Memorandumi u nënshkrua nga Kryetari i Bordit të AGK-së, Xhemajl Rexha dhe Nehari Sharri, Drejtor i forumZFD- Programi në Kosovë, për të nisur hapat e parë të një partneriteti afatgjatë në mes të palëve.
Projekti i parë i këtij bashkëpunimi do të jetë trajnimi online për gazetarë, në fushën e Ballafaqimit me të Kaluarën (BmK) dhe Gazetarinë e sensibilizuar për konflikte. Ky trajnim do të realizohet nga profesionist të gazetarisë dhe hulumtues të fushës, komunikimi dhe të gjitha materialet do të ofrohen në tre gjuhë: gjuhë shqipe, gjuhë angleze dhe gjuhë serbe.
Memorandumi është në dobi të dyja palëve me anë të cilit do të mundësohet trajnimi dhe profesionalizimi i mëtejmë i gazetarëve për të raportuar për gazetarinë e sensibilizuar për konflikt.
Kryetari i Bordit të AGK-së, Xhemajl Rexha priti në takim Ambasadoren Nancy Soderberg – Drejtore e lartë rezidente e NDI në Kosovë
Kryetari i Bordit të Asociacionit të Gazetarëve të Kosovës – AGK, Xhemajl Rexha, sot zhvilloi takim njoftues me Ambasadoren Nancy Soderberg – Drejtore e lartë rezidente e Institutit Kombëtar Demokratik – NDI në Kosovë.
Duke vlerësuar lartë angazhimin e deritanishëm, u diskutua për thellimin e bashkëpunimit përmes ligjëratave, trajnimeve dhe punëtorive me atë të së cilave do të mundësohet trajnimi dhe ngritja profesionale e mëtejme e studentëve të gazetarisë dhe gazetarëve.
Në takim prezent ishin edhe Drejtoresha Ekzekutive e AGK-së, Getoarbë Mulliqi Bojaj, Pajtim Gashi – Menaxher i Programit në NDI dhe Adea Beqaj – Zyrtare e Programit në NDI.
Kryetari i Bordit të AGK-së, Xhemajl Rexha priti në takim Shefin e Misionit të OSBE-së në Kosovë, Michael Davenport
Kryetari i Bordit të Asociacionit të Gazetarëve të Kosovës – AGK, Xhemajl Rexha, gjatë ditës së sotme priti në takim Shefin e Misionit të OSBE-së në Kosovës, Ambasadorin Michael Davenport.
Në takim u diskutua për mbështetjen e vazhdueshme që Misioni i OSBE-së në Kosovë i ka dhënë AGK-së deri më tani, si dhe gatishmërinë e të dyja palëve për të punuar bashkë për përmirësimin e kushteve të punës për gazetarët, kameramanët dhe fotoreporterët.
Gjithashtu, u diskutua edhe për thellimin e bashkëpunimit në mes të AGK-së dhe Misionit të OSBE-së, si dhe realizimi i aktiviteteve të përbashkëta që lidhen me sigurinë e gazetarëve, gazetarinë hulumtuese dhe avokimin e lirisë së shprehjes.
Në këtë takim prezent ishin edhe Drejtoresha Ekzekutive e AGK-së, Getoarbë Mulliqi Bojaj dhe Shefi i Seksionit për Media në Departamentin e Demokratizimit në OSBE, Dane Koruga.