PRISHTINË, 17.03.2017 – Përfaqësuesit e Asociacionit të Gazetarëve të Kosovës, kryetari Shkelqim Hysenaj si dhe hulumtuesi i lartë Petrit Çollaku kanë takuar të mërkurën kryetaren e Gjykatës Themelore në Prishtinë, Afërdita Bytyçi. Në takim u diskutua për rastet e kërcënimeve dhe sulmeve ndaj gazetarëve që gjenden si lëndë të papërfunduara në këtë gjykatë për disa vite të fundit.

Kryetari i AGK-së, Shkelqim Hysenaj prezantoi para kryetares Bytyçi raportin e fundit të asociacionit duke u fokusuar në rekomandimet e dala për gjyqësorin, ku ndër të tjera, kërkohet trajtim me kohë për të gjitha rastet kundër gazetarëve, duke përfshirë sulmet fizike, kërcënimet, frikësimet dhe shantazhet. Gjykata Themelore në Prishtinë përfshinë pothuajse shumicën e këtyre rasteve në vend.

Kryetarja Bytyçi theksoi se do të kërkojë nga gjykatësit përkatës që të punojnë më shpejt në rastet e gazetarëve që janë viktima të dhunës, si në lëminë civile po ashtu edhe penale. Gjykata në bashkëpunim me AGK-në do të identifikojnë të gjitha rastet e gazetarëve dhe profesionistëve tjerë medial që janë si viktima e që presin drejtësinë të thotë fjalën e fundit.

Me këtë rast, AGK i bënë thirrje të gjithë kolegëve që në ndërkohë kanë pranojnë ftesa që të paraqiten në gjykata apo prokurori, që të lajmërojnë paraprakisht asociacionin.

AGK kërkoi nga kryetarja e gjykatës që të krjioj transparencë në proceset gjyqësore, sidomos ndaj figurave të larta publike që paraqesin interes të lartë për opinionin publik.

Asociacionet e gazetarëve të rajonit të Ballkanit Perëndimor fuqishëm dënojnë sulmet ndaj kolegëve të A1.on nga Shkupi, gazetarit Aleksandar Todevski dhe kameramanit Vlladimir Zhelqevski të cilët u rrahën më 28 shkurt nga pjesëmarrësit e protestës të organizuar nga iniciativa qytetare “Për Maqedoninë e përbashkët”.

Ne presim nga Ministria e Brendshme e Maqedonisë që të identifikojë shpejt dhunuesit dhe te ngrisë akuzat dhe dënimet e duhura kundër tyre.

Dhuna kundër gazetarëve përbën sulmin më serioz ndaj lirisë së mediave dhe mohon të drejtën e publikut për t’u informuar.

Politika e pandëshkueshmërisë për dhunën kundër gazetarëve që po mbrohet nga qeveria këto pesë vitet e fundit në mënyrë të drejpërdrejtë inkurajon këto sulme.

I bëjmë thirrje udhëheqësit të VMRO-DPMNE, Nikolla Gruevski, që publikisht të dënojë sulmin e 28 shkurtit ndaj gazetarëve dhe t’i bëjë thirrje përkrahësve të tij, në këtë rast të protestës, që mos ti sulmojnë gazetarët.

Si shenjë proteste, për shkak të sulmeve të shpeshta, thërrasim të gjithë gazetarët nga Maqedonia që mos të raportojnë nga protesta e sontme të iniciativës “Për Maqedoninë”. Në të ardhmen, pozita jonë për këto ngjarje do të varet nga gatishmëria e organizatorëve të protestës dhe Ministrisë së Brendshme, që të ofrojnë kushte të punës për gazetarë.

PRISHTINE, 14.02.2017 – Asociacioni i Gazetarëve të Kosovës e ka pritur me shqetësim vendimin e Komunës së Fushë Kosovës për ndërprerje të komunikimit me gazetarët e Televizionit Kohavision. Ky veprim paraqet shkelje të parimeve për respektimin e transparencës.

Ne kërkojmë nga Komuna e Fushë Kosovës që të kërkojë falje për këtë veprim të papranueshëm si dhe ta tërheqë vendimin që ka marrë. Ne e inkurajojmë Komunën e Fushë Kosovës që të krijojë raporte profesionale me mediat, në këtë rast edhe me gazetarët e KTV-së. AGK, kërkon nga institucionet vendore, që të respektojnë Ligjin për Qasje në Dokumente Publike si dhe të jenë të hapura për gazetarët.

PRISHTINE, 08.02.2017 – Asociacioni i Gazetarëve të Kosovës e ka pranuar me shqetësim një postim në rrjetin social Facebook të drejtorit gjeneral të RTK-së, Mentor Shala.

PRISHTINË, 03.02.2017 – Asociacioni i Gazetarëve të Kosovës organizoi një tryezë diskutimi mbi raportin “Treguesit e nivelit të lirisë së mediave dhe sigurisë së gazetareve”. Në këtë tryezë u diskutua edhe për rekomandimet e dala nga raporti.

Kryeministri Isa Mustafa u zotua se do të angazhohet më shumë në rritjen e transparencës. Kryeministri theksoi se “janë duke punuar në strategji të ndryshme për të arritur deri në atë pikë ku gazetarët nuk do të mbesin asnjëherë pa përgjigje”.

PRISHTINE, 27.01.2017 – Sindikata e Pavarur e RTK-sё (SPRTK) ka reaguar kundёr komisionit parlamentar pёr media qё ka vendosur tё mbajё mbledhjen tё fshehtё ku u diskutua pёr draftligjin e RTK-sё.

Sindikata tha se takimi me dyer tё mbylluar pёr publikun nga ana e komisionit ka shkelur tё drejtёn e publikut pёr t’u informuar pёr median publike.

“SPRTK konsideron se diskutimet e mbyllura dhe jotransparenca e bëjnë edhe më të vështirë situatën brenda institucionit”, thuhet nё reagimin e sindikatёs.

Sindikata e RTK-sё shtoi se transmetuesi ёshtё duke vazhduar tё pёrballet me parregullsi duke pёrfshirё tё ardhmen e tё paqartё pёr shkak tё keqmenagjimit.

Ligji aktual i RTK-sё, qё ёshtё miratuar mё 2012, parashihte financa nga buxheti i Kosovёs pёr tre vite, pas sё cilёs do tё gjendej njё mekanizёm i pavarur financiar.

Draft ligji i rrjedhur nё media parasheh mbledhjen e 2.5 euro nga amvisёritё pёrmes faturimit tё energjisё elektrike dhe po ashtu do tё ndahen 0.4 pёr qind nga buxheti i vendit.

PRISHTINË, 07.01.2017 – “Gazetarët për gazetarët” është prodhim i KTV-së e cila trajton problemet e mediave në Kosovë. Asociacioni i Gazetarëve të Kosovës dhe shumë gazetarë të tjerë bisedojnë për problemet dhe urgjencat e tyre.

Kliko në link dhe shiko emisionin 22 minutësh: http://bit.ly/2jkZ7nE